Ачтан эмнэлгийн зарим тасаг нь 2020 оны 12-р сарын 28-ныг хүртэл ажиллажээ. Он гарсаар 1-р сарын 04-нд үйл ажиллагаа эхлүүлэхээсээ өмнө буюу 2020-01-03-ны өдөр ажилчдаа шинжилгээнд хамруулахад хэд хэдэн хүний түргэвчилсэн шинжилгээ эерэг гарсан байна. Писиар шинжилгээ хийхэд есөн хүний шинжилгээ эерэг гарчээ. Ийнхүү бас нэгэн каластр голомт үүслээ. Тус эмнэлгээр оны өмнө үйлчлүүлсээн бүх иргэд яаралтай тусгаарлалтад орж шинжилгээ өгөхийг УОК-оос уриаллаа.
Тус эмнэлэг нь нийт 134 эмч, ажилтантай юм байна. Тиймээс тус эмнэлгээр үйлчлүүлсэн иргэд яаралтай шинжилгээ өгч өөрийгөө болон өрөөлийг өвчин тусах эрсдэлээс сэргийлнэ үү. Хувийн эмнэлгүүдэд хорио цээрийн дэглэм ийнхүү алдагдан олон хүн өвчилсөн нь тэнд ямар салан задгай байгааг батлаад өглөө.
Эрүүл мэндийн сайд Т.Мөнхсайхан улсын эмнэлгүүдийг хувьчлах талаар нилээн хэдэн жагсаалт гаргасан байгаа талаар мэдээлэл байна. Энэ мэтчилэн БЗД-н нэгдсэн эмнэлэг, хувийн эмнэлгүүд орлогын төлөө хэт ачаалалтай ажилласнаас болж тахлын шинэ голомт үүсээд байгааг анхааруулах нь зүйтэй. Улсын онц чухал эрүүл мэндийн салбарыг ингэж гаргуунд нь гаргаж хувийн компани лугаа аашилж болохгүйг эрхэм сайд Мөнхсайхан ойлгох цаг болжээ. Олон хүний эрүүл мэнд, амь настай холбоотой асуудал тань дээр үүсэх вий.
