УИХ-ын сонгуулийн V тойрог буюу Дархан-Уул, Сэлэнгэ, Төв аймагт “Үнэн ба зөв” намаас нэр дэвшиж буй Б.Нямбаяр сонгуулийн сурталчилгаагаа ачааны машины тэвшин дээр зогсон хийж буй тухай дүрс бичлэг цахим сүлжээнд тархсан.
Тодруулбал, цахим сүлжээнд “Сэлэнгэ аймагт сурталчилгаагаа хийж яваад авто тээврийн цагдаад торгууллаа” гэх утгатай бичдэг түгсэн. Тэгвэл нэр дэвшигч Б.Нямбаярын хийсэн зөрчлийн шинжтэй уг үйлдлийг Сэлэнгэ аймгийн Замын цагдаагийн хэлтсээс шалгаж, Замын хөдөлгөөний аюулгүй байдлын тухай хуульд заасан хүн тээвэрлэх журмыг зөрчсөн жолооч Б-г Зөрчлийн тухай хуулийн 14.7 дугаар зүйлийн 45 дахь хэсэгт зааснаар 50 нэгж буюу 50 мянган төгрөгөөр торгосон талаар ЦЕГ-аас мэдээллээ.
