- Сар шинийн баяраар айл гэрийн хүндэтгэлийн идээ болсон хэвийн боовоо ашиглаж, амтат кекс хийх аргыг хуваалцаж байна. Жор: -Ул боов 1 ш -Өндөг 2 ш -Сүү 200 гр -Сахар 100 гр -Бялууны хөөлгөгч 1 уут -Ванил пуддинг 2 цайны халбага
Хийх арга: Эхлээд хэвийн боовоо жижиглэж бутлаад миксердээрэй. Мөн 2 ш өндөг 100 гр сахараа хольж хутгаад дээр нь бутласан хэвийн боовоо хийнэ. Дээр нь сүү болон хөөлгөгч, ванил пуддингээс 2 халбага нэмж гар холигчоороо сайн хутгана. Ингээд л шарах шүүгээндээ хийгээд 180 хэмд 35-45 минут жигнэхэд амтат кекс бэлэн болно.
Хэвийн боовыг үйрүүлэн бутлаж олон төрлийн амттай нарийн боов хийж болно гэдгийг та мэдэх үү? Тэгвэл дахин нэг аргаас хуваалцаж байна.
2. – Хэвийн боовыг эхлээд гараараа жижиглэн хугалана. Дараа нь сонин эсвэл торонд ороож алх, нүдүүрээр нүдэж жижиглэн бутлана. – Эсвэл ногоо үрэгч, хоол процеслогч ашиглан нарийн жижиг ширхэгүүдтэй болгон бутлаж болно.
– Ингээд өндөгний цагаан, хайлуулсан масло, сүү, элсэн чихэр /ванилийн охь хэрэглэж болно./, давс хийж сайтар миксэрдэнэ. Элсэн чихэр бүрэн уустал миксэрдэнэ – Үүний дараа хэвийн боовны үртэсийг хийж савх эсвэл модон хутгаараар зуурч эхлэнэ.
Хэвийн боовны үртсээр зуурсан учраас гурил бага зэрэг баржгар, бэржгэр болох болно. Гараараа сайтар эвэнд оруулж нухаарай. Нялцгай ч биш хатуу ч биш бэржгэрдүү атлаа биетэй зуурмаг болох болно.
Шарах шүүгээг 135С хэмд халаагаад хавтанг мөнгөлөг цаас эсвэл хүнсний цаасаар бүрнэ. Ингээд гурилыг жигд нимгэн элдэж хавтан даар дэлгэж тавиад шарах шүүгээнд хийж 15-20 минут болгоно. Гаднаас нь харахад алтан шаргалдуу өнгөтэй болох болно. Хэт түлэхээс сэргийлээрэй. Хэрвээ танайх ил зуухтай бол цуйтангын гурил элдэж хайрдаг шиг халуун зуухан дээр жигнэж болгодог арга бас бий.
Ингээд гурилаа шарах шүүгээнээс гарган 15 минут хөргөсний дараа хутгаар жигд хэмээр хэрчинэ. Дөрвөлжин хэрчиж болно эсвэл жигд дугуй хэлбэрээр хэрчиж ч болно. Энэ нь таны сонголт шүү. Энэ нь наполеон тортны маань үет давхаргууд тул ижил жигд хэмжээгээр зүсээрэй.
Та бидний сайн мэдэх амттай, өтгөн орос молоког хэрэглээрэй. Ингээд давхар бүрд молоког жигд түрхэж нялна. Хамгийн дээд хэсэгт нь самарны үйрмэг цацаж өгвөл амттай болно. Эсвэл заавал молоко гэлтгүй нарийн боовны крем ашиглаж болно шүү. Ингээд хамгийн дээр нь тортыг нягтаршуулах хүнд зүйл тавьж хөргөгчинд хийж 2-3 цаг амраана. Эх сурвалж: 1000jor.mn
