Дэлхийн дахин цар тахалын дахин идэвхижилтийн өмнө сөхрөн дахин онц байдлаа зарлаж эхлээд байна. Оффис, үзвэр, үйлчилгээний газруудаа хааж, онцын шаадлагагүй бол гэрээсээ ажиллахыг ажилчиддаа зөвшөөрч байгаа нь ямархан аюулын харанга дэлдэж байгаа нь харагдаж байна. Ганцхан л манай улс сүх далайтал үхэр амар гэдгийн үлгэрээр дотооддоо алдаагүй юм чинь гэсэн шиг олон нийтийн газар 10 хүний 1-2 нь л маск зүүсэн байх нь байдаг л үзэгдэл болоод байна. Манай урд хөршөөс анхлан үүсэлтэй энэхүү гамшиг дэлхийг нөмрөөд байхад азаар ч гэхүү бид харьцангуй бага хохиролтой өдийг хүрлээ. Гэхдээ тайвшрах ердөө ч болоогүй. Аюул хаяанд, таны яг дэргэд байгааг мартаж болохгүй. Нэг алдчихвал манайх шиг ядуухан эдийн засагтай, буурай орныг юу ч үгүй сэгсрэх нь мэдээж. Энэ бол тоглоомж биш гэдгийг хүн бүр л ойлгомоор байгаа юм. МУ-н Засгийн газар Шинэ жилийн баяраар олныг хамарсан арга хэмжээ явуулахыг хориглолоо. Ор тас тэмдэглэж болохгүй гэж хэлээгүй. Гэрийн хүрээнд сүлд модоо чимээд цомхон тэмдэглэх нь хувь хүний л эрх. Гэтэл төр засгийнхаа шийдвэрийг хамгийн түрүүн дэмжиж ард түмэндээ үлгэрлэх ёстой урлаг,соёлынхон эсэргүүцэж эхлээд байгаа нь өөрөө л болж байвал цар тахал улс орон даяар дэгдэж, эрдэнэт хүний амь үрэгдэх нь хамаагүй гэсэн шиг эсэргүүцэж байгаа нь дэндүү хувиа хичээсэн үйлдэл гэхэд болно. Нэр бүхий дуучид өөрсдийн үзэл бодлоо цахим хуудсаар илэрхийлснийг хараад үнэхээр ой гутлаа.
Урлагийнханы орлогын эх үүсвэр нь тоглолтоо хийх бөгөөд халаасаа түнтийлгээд гадагшаа зугаалаад явчихдаг нь тэдэн дунд цөөнгүй. Гэтэл ‘Бид өр ширтэй улс тэр шархаа шинэ жилээр л ганц нөхдөг’ гээд л уйлж унжаад байгааг огт ойлгохгүй байгаа юм. Үүний оронд ард түмэндээ анхааруулж төр засагынхаа дуу хоолой болж ажиллаад нийтээрээ энэ аюулын цаана гараадахвал амьдрал үүгээр төгсчих гээд байгаа биш олон олон тоглолт, олон олон шинэ жилээ тэмдэглээд л суух сайхан үе ирж л таарна. Эрүүл явбал ирэх жилийн наадам үзнэ гэдэг ардын сайхан үг байдаг даа. Урлаг соёлынхон минь жаахан юм үзсэн хүн шиг байж уужуу хандаарай гэж зөвлөе.
