‘Эрдэнэт’ vйлдвэpийн 49 xyвийг xyдaлдaж aвч бaйcaн ХXБ-ны эзэн Эрдэнэбилэг нэг хэсэг цагдан хоригдсон. Одоо түүнд холбогдох хэрэг нам дарагдаж, дахин баригдаж хоригдох аюулгүй болсон бололтой. Түүгээр ч үл барам “Эрдэнэт” үйлдвэрийн 49 хувиа төрөөс эргүүлж авах ажилдаа шамдан оржээ. Сар гаруйн “Эрдэнэт”-ийн ажлын хэсгийн ахлагчаар Я.Содбаатар, нарийн бичгийн даргаар Ж.Энхбаярыг томилсон.
Ж.Энхбаярыг Сахал Эрдэнэбилэгийн зууч хийж У.Хүрэлсүхтэй уулзуулсан гэх мэдээлэл байдаг. Ер нь Ж.Энхбаяр нь Сахал Эрдэнэбилэгийн хүн бөгөөд “Эрдэнэт”-ийн ажлын хэсэгт орсноосоо хойш Сахал Эрдэнэбилэгтэйгээ нууцаар уулздаг болжээ. Хамгийн сүүлд тэд амралтын өдрүүдээр Дарханд байдаг Ж.Энхбаярын эзэмшлийн өндөр зэрэглэлийн “Буудай” зочид буудалд уулзжээ.
Сахал Эрдэнэбилэг Улаанбаатараас нисдэг тэргээр Дарханд буусан байна. Харин Ж.Энхбаяр өмнөх өдөр нь Дарханд очоод зочид буудлынхаа 204 тоотод Сахал Эрдэнэбилэгтэй уулзжээ.
Тэдний уулзалтын дараахнаас Шилэн Цогоо шилэн данс ухаж, “Эрдэнэт”-ийн гүйлгээнүүдийг ил гаргаж эхэлсэн байна. Ингээд “Эрдэнэт”-ийн эзэмшлийн төлөөх дайн эхэллээ. Үйл явдал цааш хэрхэн өрнөх вэ гэдгийг харж л байхаас…
