Монголын Үндэсний бөхийн түүхэнд хамгийн их сенсаци тариад байгаа бөх бол Хэнтийн угшилтай Оюунболд гэх залуу. Түүний сэргээш хэрэглэсэнтэй холбоотой хэл ам жил дамнан яригдаад эцэслэгдээгүй л байна. Бөхөд хайртай түмэн минь хэрхэн, ямар хариу гарахыг амьсгаа даран хүлээж суугаа нь ойлгомжтой.
Өнөөдөр түүний цолтойгоо үлдэх эсэхийг шийдэх юм байна. Шүүх чухам ямархан шийдвэр гаргаснаас хамаарч ерөнхийлөгч гаргасан зарлигаа цуцлах, хэвээр үлдээх нь шийдэгдэх юм. Залуу аваргын гомдлоор өдийг хүртэл сунжирсан энэхүү шүүх хурал хэрхэн шийдэгдэхээс шалтгаалж түүний цолыг хураан барилдах эрхийг 2 жил хүртэл хасах, мөн даваа болгоноор унасан бөхчүүдийн цолыг ахиулах гээд зангууны үлгэр шиг юм болох аж.
Нэг хэсэг нь уулын хүрэн баавгай шиг ийм ид барилдах насан дээрээ яваа залуу сэргээш хэрэглэх шаардлага юу байдаг юм. Хүрээний бузар булайг уудална гэвэл далай гэсэн үг гэдэг шиг Бөхийн холбоонд олон жил бугшсан бузар булай нутагхдаг дов жалганы үзэл ийнхүү тэсэрч нэгэн залуу бөхөөр туг тахиад өнгөрөхөөр хуучны удирдагууд зохион байгуулсан явуулга гэж үзэх хүмүүс ч байна.
