УИХ-ын гишүүн А.Адъяасүрэн АТҮТ-ийн Тээвэр зохицуулалтын Үндэснийн төвийн хэлтсийн дарга Г.Доржпаламд “Peace tower”-ын 804 тоотод хамаарал бүхий этгээдээр нь дамжуулан 100, 000 ам.доллар өгч байгаад гардуулсан байдаг.
А.Адъяасүрэн хэмээх шавилхан хүүхэн БНХАУ-ын нэр бүхий иргэдтэй хамтран 1000 машинаар нүүрс гаргадаг компанитай нэгэн. Түүний ар талд хятад компани, иргэд байгаа нь ойлгомжтой юм. А.Адъяасүрэн нэлээд махруу нэгэн бөгөөд ажлаа бүтээхийн тулд замын цагдаагийн хурандаатай архи ууж байгаа зураг алдагдаж муу муухайгаар дуудуулсан байсан.
УИХ-ын гишүүн болохоосоо өмнө холбогдсон энэхүү хэрэг одоо хүртэл сунжирч, авлигад холбогдсон компаниа ах руугаа шилжүүлсэн гэх мэдээлэл байгаа юм. Түүний авлигын хэрэг удааширч буйг Ерөнхийлөгч Х.Баттулгатай холбон тайлбарлах хэвлэлийнхэн ч байна.
“Баянхонгор аймгийн иргэдэд зориулсан тусгай мөнгөний бодлого хэрэгтэй байна” гээд олон хүнээс шүүмжлэл сонсч буй А.Адъяасүрэнгийн ард гадныхан бий гэсэн таамаг оргүй зүйл биш юм. Мөн УИХ-ын эмэгтэй гишүүдээс гадны дэмжлэгтэй гэх эмэгтэй бол Х.Булгантуяа. Тэрээр өөрийгөө гадаадад сургууль төгсөх гэж санхүүгийн бэрхшээл тулгарсан, хэрхэн даван туулсан талаараа “үлгэр” ярьдаг.
Харин учир мэдэх “Хөгжлийн хөтөлбөр” намын дарга О.Заяа шал өөр зүйл хэлнэ. Тэрийгээ интернэт орчинд ил тод мэдээлдэг авч хууль хяналтын шалгаагүй байгаа билээ. Тухайлбал Х.Булгантуяаг “Рио Тинто” компаниар сургуулийн төлбөрөө даалгасан. Сангийн яамны дэд болохдоо “Рио Тинто” компаниас тэрбум төгрөгийн хандив авсан гэх мэт мэтээр нотлон ярьдаг. “Рио Тинто” компани тодорхой оюутнуудад тэтгэлэг өгч Барууны улсуудад сургадаг нь үнэн.
Энэ талаар эргэлзэж буй иргэд тэдний вэбсайтыг ухаад үзэхэд гэмгүй юм. О. Заяа түүнийг барууны буюу “Рио Тинто” компанийн захиалгаар Монгол Улсын “Саарал жагсаалт”-нд оруулсан гэж үзэж буйгаа ч нуугаагүй. Сүүлийн жилүүдэд улс төрд орж буй эмэгтэйчүүд гадны дэмжлэг авдаг, тэдний заавраар яваад байна гэсэн хардлага оргүй биш юм.
