ХҮН-ыг Т.Доржханд, Б.Найдлаа гэх мэтийн нөхдүүд үүсгэн байгуулаагүй, 800 хүний гарын үсэг зуруулаагүй нь тодорхой болов. Хөдөлмөрийн Үндэсний намыг С.Зоригтбаатар гэдэг залуу үүсгэн байгуулсан юм билээ. Энэ залуу нь “Босоо” Ганбаатар дагаж “Эрс шинэчлэл”, “Соёмбо” хөдөлгөөнийг үүсгэн байгуулсан МҮЭХ-нд ажиллаж байсан байдаг. Улс төрийн хүчин гэдэг байнгын үйл ажиллагаа, тордлогоо, санхүүжилт шаарддагдах уудаг цаас л гэсэн үг. Санхүүжилтээ дийлэхээ байсан С.Зоригтбаатар тамга тэмдэгээ Сүрэнхүүгийн Боргилд шилжүүлэн өгч Улсын дээд шүүхэд бүртгүүлсэн байдаг.
С.Боргил даргатай, С.Ганбаатар зөвлөхтэй ХҮН-д Т.Доржханд, Б.Найдлаа нар ихээхэн хэмжээний мөнгө санал болгосон түүхтэй. Гэвч тэд амласан мөнгөө өгөөгүй хэрнээ УИХ-ын жагсаалт (60 тэрбумын схем) зарахаар баячуул руу ханджээ. Үүр, хороодын байр, ажилтнуудын цалин, оффисийн түрээс гээд олон тэрбум төгрөг нэхэгдэн ядуугийн зовлон нүүрлээд байв. Энэ үеэр санхүүгийн эрх чөлөөнд хүрсэн Алтан “Дорнод Монгол” корпорацийн захирал Т.Ганболд бурхан тэнгэр, өглөг буяны эзэн мэтээр залран ирсэн байдаг. Түүнийг шууд Хөдөлмөрийн үндэснийй намын даргаар сонгосон ч дотроос нь эсэргүүцэл гарчээ.
Тэр эсэргүүцлийг Т.Доржханд, Б.Найдлаа нар гарган Т.Ганболдыг Улсын дээд шүүхэд бүртгүүлсэнгүй. Энэхүү нөлөөллийг Ц.Элбэгдоржоор дамжуулан хийгдсэн гэдгийг Т.Ганболд ярьдаг юм. Улсын дээд шүүх Т.Ганболдыг бүртгэхгүй болохоор С.Ганбаатарыг зүтгүүлэв. Дуурийн театрт сүр жавхлантай Их хурлаа хийж С.Ганбаатарыг зүтгүүлсэн ч Улсын дээд шүүх бүртгэсэнгүй. Энэ бүтэлгүйдлээс бол Хөдөлмөрийн Үндэсний нам 2016 оны УИХ-ын сонгуульд оролцож чадахгүй байдалд оржээ.
Итгэл хугарсан, зүтгэл мохсон энэ үеэр Т.Доржханд, Б.Найдлаа нар Улсын дээд шүүхэд бүртгэлтэй ХҮН-ын дарга С.Боргилын өмнөөс хүсэлт гарган хуурамчаар гарын үсгийг зуран өгчээ. Хүний өмнөөс хүсэлт гаргах, хуурамч гарын үсэг зурах нь Эрүүгийн гэмт хэрэг атал Улсын дээд шүүх хүлээж аваад зогсохгүй Б.Найдлааг бүртгэсэн байдаг. Их хурлаа хийгээгүй, гишүүд нь дэмжээгүй түүнийг Ц.Элбэгдоржийн дэмжлэгтэйгээр намын даргаар бүртгүүлсэн гэх хардлага эндээс эхтэй юм. Эх нь булингартай бол адаг нь булингартай гэдэг шиг Хөдөлмөрийн Үндэсний намын эцэс төгсгөлгүй маргаан эндээс эхэлсэн.
Удирдах зөвлөлийн дарга гэх албан тушаал өөртөө зохиосон Т.Доржханд, тус намын дарга Б.Найдлаа нар С.Зоригтбаатар, С.Боргил, Т.Ганболд, С.Ганбаатар нарын үлдэгдэл, нөхдөөс салахын тулд ХҮН-ыг гишүүнчлэлгүй болгоно гэж зарлаад анхан шатны үүр, хороодын татан буулгасан унтаж байсан арсланг сэрээсэн явдал байв. Энэ явдлаас үүдэн ХҮН-ын гишүүдийн идэвхи сэргэж Онц их хурлаа зарлахаар болсон бөгөөд Б.Найдлаагийн Улсын дээд шүүх дээр хийсэн булхай илэрч эхэллээ.
