Холливудын од Стивен Сигалийн үзэсгэлэн гэргий Эрдэнэтуяаг Монголчууд андахгүй мэдэх бизээ. Монголд элэгтэй дэлхийн кино одын цайг чанах хувь хэн хүнд заяагаад байдаггүй. Ийм ховор амьдралаар амьдарч жаргаж суугаа үзэсгэлэнт бүсгүй эх нутгаа үргэлж санагалзан болж л өгвөл жилдээ нэг ирээд буцдаг гэнэ. ‘Эр хүн эр хүндээ хайртай’ гэдгийн үлгэрээр Эрдэнэтуяа маань Монголдоо нийгэмд томоохон байр суурь эзэлдэг чамгүй олон фэнтэй болсон хөтлөгч, продюссер бүр цаашилбал УИХ-н гишүүн болсон Б.Анужинтай олон жилийн турш гэр бүлийн сайхан найзууд болж нөхөрлөсөн гэж өөрөө ярьдаг. Амьдралын жаргал зовлон, алдаа оноо, амжилт уналтын алинд нь ч дэргэд байж чаддаг хүнийг бид ясны найз гэж үнэлдэг. Чухамдаа энэ утгаараа Эрдэнэчимэг найзынхаа талаар ийн сэтгэгдэлээ бичжээ. Үүнийг уншигч түмэндээ хүргэж байна. Тэр, төрийн мөнгө идээгүй Түмний итгэлээр тоглоогүй Төөрүүлж бусдыг доромжлоогүй Төхөөрч төрөө наймаалцаагүй ээ! Тэр, бурууг үйлдэж будилаагүй Бусдыг зүдрээж давраагүй Бууцаа нулимж сэхээгүй Бусармагтай эвлэж мөхөөгүй ээ! Тэр, хүнээс илүү жаргаагүй Хүн чанараа гээж арилжаагүй Хүчтэйгээс айж дальдраагүй Хүрээ талж хүүдэгнээгүй ээ! Тэр, айл үймүүлж алдраагүй Амраг хайж гүйгээгүй Амьдын жаргалд шунаагүй Амьдралын гашуунд шантраагүй ээ! Тэр харин, Хүнд бэрхийг даваад туулсан Хүний муухайг үзээд гарсан Хатуу хөтүүг үүрээд гарсан Харгис бүхнийг тэвчээд ирсэн, Хулгай дээрмийг тэсээд ирсэн.
Хуурамч бүхнийг таниад ирсэн Хуудуутай бүхнийг илчлээд ирсэн Хувьтай бүхнийг өргөөд ирсэн, Энэ биеэ засаад авсан Эгэл үрсээ залаад ирсэн Эрдэм бүхнээ хуваалцсаар ирсэн Эрүүл саруулыг түгээсээр ирсэн,Эрхэм бүхнээ алдаршуулаад ирсэн Эрдэнэ бүхнээ өргөмжлөөд ирсэн Эрхэт төрөө дэмнэсээр ирсэн Энэхэн нийгмээ гэгээрүүлсээр ирсэн! Эгэл борлог Монгол амьдралд Эгэл түмнийхээ дунд хөвж Эхийн сэтгэлээр бүхнийг давж Эрүүлийн хүчээр бүхнийг сөрж Эх орон минь гэж энэлэн шаналж
Энхрий үрс минь гэж хайлан шимширч Эргэх түүх минь гэж эрхэмлэн дээдэлж Ирээдүй хойч минь гэж ихэд хичээж, Ир хүчээ түмэндээ зориулж Итгэл сэтгэлээ энх амгаланд зүтгүүлж Эзэн заяагаа эгнэгт өргөж Энхрий Монголоо ямагт хаацайлж Гэгээрлийн галыг Монголд бадрааж Гэрэлт үйлсээр түүчээлж яваа Гэгээн цэгээний манлай болсон Гэндүүхэн цайлган Анужин эгчдээ Хайр талархлаа дээдлэн өргөж Хат тэвчээрийг тань бахдан биширч Хамаг үйлсд тань амжилт хурайлж Ханат өргөөнд тань жаргал уухайлъя! ГЭГЭЭН ЦЭГЭЭН БҮХЭН ДИЙЛЖ ГЭРЭЛТ ОРЧЛОН ХАЙРААР БЯЛХАГ!
