Монголын Үндэсний бөхийн холбоо болон Монголын Үндэсний Допингийн Эсрэг Байгууллагаас дараах мэдэгдэлийг гаргажээ.
МЭДЭЭЛЭЛ
Монголын Үндэсний Допингийн Эсрэг Байгууллагаас 2022 оны гуравдугаар сарын 17, 19-ний өдрийн барилдаануудад шөвгөрсөн 14 бөхөөс допингийн явцын шинжилгээг авсан. Дээрх бөхчүүдийн шинжилгээний хариу Олон Улсын Допингийн Эсрэг Байгууллагын итгэмжилсэн БНСУ-ын лабораториос 2022 оны дөрөвдүгээр сарын 25-ны өдөр МҮДЭБ-д ирсэн байна. МҮДЭБ мөн өдөр Монголын Үндэсний Бөхийн Холбоонд дээрх хариуг хүлээлгэн өгсөн бөгөөд нийт 14 шинжилгээнээс 12 нь сөрөг буюу зөрчилгүй, 2 шинжилгээнээс хориотой эм бэлдмэлийн жагсаалтад багтсан нэг төрлийн бодис илэрсэн хариу ирсэн.
ОУДЭБ-аас гаргасан журмын дагуу хоёр бөхөд хариуг мэдэгдэхэд тэдгээр бөхчүүд орон нутагт явсан тул дөрөвдүгээр сарын 27-ны өдөр өөрийн биеэр ирж, шинжилгээний хариугаа хүлээн авсан.
Дээрх хоёр бөх нь хориотой эм бэлдмэл хэрэглэсэн шалтгаанаа дурдан, мөн гэм буруугаа хүлээн уучлал хүсэж, ямарваа нэгэн шийтгэл, хариуцлагыг хүлээн авахаа мэдэгдсэн өргөдөл, хүсэлтийг 2022 оны дөрөвдүгээр сарын 30-ны өдөр МҮБХ-нд ирүүлснийг Тэргүүлэгчдэд 2022 оны тавдугаар сарын 02-ны өдрийн ээлжит хурлаар танилцуулсан болно.
Жич: Допингийн шинжилгээний хариуг бөхөд мэдэгдэх, мэдээлэх, хариуцлага тооцох зэрэг асуудлуудыг журмын дагуу шийдвэрлэж байгаа болно.
МОНГОЛЫН ҮНДЭСНИЙ БӨХИЙН ХОЛБОО
Жич:
Өнгөрөгч гуравдугаар сарын 17-ны Монгол цэргийн өдөр, Орчин цагийн зэвсэгт хүчний 101 жилийн ойд зориулсан барилдаанд шөвгөрсөн бөхчүүд:
Шөвгийн найм
Шөвгийн дөрөв:
Үзүүр түрүү
Бөх сонирхогчид болон бөхийн хүрээнийхэн тэдгээр хоёр бөх хэн бэ? Арай хамгын их допинг эсэргүүцдэг Улсын арслан Ц.Содномдорж биш байгаа? ямартай ч зураг дээрх гурван бөхийн нэг нь лав байгаа гэх таамгийг яриад буй юм. Ямартай ч баттай эх сурвалжаас тодруулан эргэн мэдээлэх болно.
.
. 
. 
.
