Хөгжлийн банкны зээлийн асуудлаас болж МАН-ын гурван УИХ-ын гишүүн бүрэн эрхээсээ түдгэлзэх дээрээ тулчихсан. Тэгвэл эдгээр гишүүдийн араас УИХ-ын гишүүн Ч.Ундрамын бүрэн эрхийн асуудал бас л хөндөгдөхөөр болжээ.
Тодруулбал Хөгжлийн банкны зээлтэй холбоотой дуулиан дэгдэх үед түүний аав Ч.Чинбат зээл авсан нь ил болж охиныгоо шөнөжин нойргүй хонуулж, уучлалт гуйж байсан удаатай. Энэ тухайгаа ч Ч.Ундрам их л бахархалтайгаар ярьж “Аав маань надаас уучлалт гуйсан санаа нь зовоод унтаж ч чадахгүй байгаа хөөрхийдөө хөгшин хүн гэхчлэн” аав руугаа бүх буруугаа чихэж түмний шившиг болж байв. Гэтэл түүний тарьсан дуулиан нь намжиж амжаагүй байхад гэр бүлийнх нь хүн Хөгжлийн банкнаас зээл авсан нь ил болох үед Ч.Ундрам загас шиг дуугүй болж алга болов.
Түүний нөхөр Б.Наранцацралт нь УИХ-ын гишүүн Ё.Баатарбилэгт авлига өгсөн гэх хэрэгт холбогдсон “НВЦ” ХХКийн захирал Ц.Баатарбилэгтэй “Эм Си Ёи Пи” ХХК-ийг хамтран эзэмшдэг гэдэг нь тогтоогдсон.
/Доорх баримтаас харна уу/
Ямар ч үед уснаас хуурай гарахыг оролдож, нэр төрдөө хайр зарладаг тэрбээр энэ удаад ихэд айдастай байгааг түүний ойрын эх сурвалжууд мэдээлж байв. Хөгжлийн банкнаас УИХ- ын гишүүдийн хамаарал бүхий маш олон компаниуд зээл авсан учраас ийнхүү эхнээс нь яллагдагчаар татах хүсэлтээ УЕПГ-аас УИХ-ын даргад хүргүүлсэн. Хэдийгээр энэ удаад Ч.Ундрамын нэр ороогүй ч тун удахгүй түүний бүрэн эрхийг нь түдгэлзүүлэх хүсэлтийг хүргүүлнэ гэдгийг эх сурвалж мэдээлж байв.
Учир нь түүний гэр бүлийн хүний, халаас нэгтэй Ц.Баатарбилэг бусдад их хэмжээний авлига өгсөн нь хөдөлшгүй баримтаар тогтоогдсон учраас ааваасаа болон нөхрийнхөө энэ асуудалд Ч.Ундрам хариуцлага хүлээж намаасаа хөөгдөөд зогсохгүй аавынхаа эд хөрөнгөөр дэнчин тавьж УИХын гишүүн болсон түүнд энэ удаагийн асуудал тун хүндээр тусч намаараа гүйдэлтэй болж дарга нартайгаа уулзах уулзалтаа хийсэн ч амжилт олоогүй аж.
Мэдээж өөрт байгаа бүхнээ охиндоо зориулж УИХ-ын гишүүн болгосон түүний эцэг Ч.Чинбат хуулийн хүрээнд танил ихтэй хэдий ч намаас нь чиглэл өгсөн учраас энэ удаад Ч.Ундрам гарах гарцгүй болж АТГ болон Нийслэлийн прокурор хавиар эргэлдэх ажилтай болох нь. Юутай ч асуудал хэрхэхийг харах ч энэ удаад Ч.Ундрам хаашаа ч зайлж чадахгүй гэдгийг мөрийцөхөд ч бэлэн байна.
Эх сурвалж: erennews.mn
