Засгийн газрын шийдвэрээр Хөтөлийн “Цемент шохой” ХК-ийн тухай авах зарим арга хэмжээний тухай тогтоолыг баталж, хувьчлалыг хvч.uнг.үй болгосон.
Төрийн өмчийн бодлого зохицуулалтын газар хуралдаж Сэлэнгэ аймгийн Хөтөл хотод очиж, үйлдвэрийн удирдлагын багт танилцуулж Л.Наранбаатарыг Хөтөлийн цементийн үйлдвэрийн захирлаар түр томилоод байгаа юм.
Л.Наранбаатар нь, 2002 онд ШУТИС-ийн УУИС-ийг “Уул уурхайн үйлдвэрлэлийн удирдлага” мэргэжлээр бакалавр, 2007 онд Санхүү Эдийн Засгийн Дээд сургууль “Санхүүгийн менежмент” мэргэжлээр Бизнесийн удирдлагын магистр зэрэгтэй төгссөн.
Уул уурхайн үйлдвэрлэлийн удирдлагын мэргэшсэн инженер. Австрали Азийн Металлургийн институтын гишүүн. 2008 оноос “Гложекс” ХХК, 2017 оноос “Гложекс Консалтинг” ХХК-ийн үүсгэн байгуулагч, ерөнхий захирлаар ажиллаж байгаа аж.
Хөтөлийн “Цемент-шохой” ХК хуурай аргаар нэг сая хүртэл тонн нүүрс үйлдвэрлэх хүчин чадалтай, 800 гаруй ажилтантай.
Харин өнөөдөр өглөө цахим орчинд “Хөтөлийн Цeмeнт Шохойн” үйлдвэрийн захирлаар томилогдсон Л.Наранбаатарын куртикнээс байршил тогтоогч олдсон тухай бичлэг задарч шуугиан тариад байна.
