Монгол Улсын Ерөнхийлөгч У.Хүрэлсүх өнөөдөр /2022.04.11/ УИХ дахь Ардчилсан намын бүлгийн дарга, гишүүдтэй уулзлаа. /Уулзалтын үеийн яриаг буулгав./
Ерөнхийлөгч У.Хүрэлсүх: “Энэ Монгол УИХ бол төрийн бодлого тодорхойлдог. Та бүхэн маанв төрийн эрх барих дээд байгууллагын гишүүд. АН бол манай Монгол улсын тулах баганы нэг. Энэ цаг үед улс орныхоо төлөө хамтарч ажиллах ёстой. Хийрхсэн улс төрийг хойш нь тавиад, ажлаа яаж хийх үү, алдаа оноогоо яаж засах уу, яаж ард түмнээ амар амгалан байлгах уу, үнийн өсөлттэй яаж тэмцэх үү, бензин шатахууны асуудал байна.
Эрчим хүчний асуудал байна. Хүндрэл бэрхшээлийг авч ирж болзошгүй ийм нөхцөл байдлууд байна. Та бүхэнд танилцуулсан хаалттай хуралдааны мэдээлэл дотор энэ асуудлаар маш сайн ярьсан. Үрэлгэн зардлуудаа танах хэрэгтэй. Хувийн хэвшлээ дэмжих, нэн ялангуяа хүнсний бүтээгдэхүүн үйлдвэрлэж байгаа хувийн хэвшлүүдээ дэмжих шаардлагатай байна. Тийм учраас өнөөдөр гишүүд та бүхэнтэй ардын намын бүлгийн нөхдүүд, сайд дарга нартай уулзаж байна”
УИХ дахь АН-ын бүлгийн дарга Д.Ганбат: “Цагаан сарын өмнө таны санаачилсан тэтгэврийн хэмжээг ихэсгэх энэ санал маш үр дүнтэй боллоо, маш хүнд хэцүү цагт. Үүнээс гадна та МУ-ын ерөнхий сайдаар ажиллаж байхдаа хариуцлага хүлээж чаддаг, хариуцлага тооцож чаддаг ийм ЗГ-ын газартай байжээ. Өнөөдөр хариуцлагын асуудал гэдэг бол үнэхээр сүл яригдаж байна. Орон тоо бүтэц их данхайж байна”
УИХ-ын гишүүн С.Одонтуяа: “Энэ маягаараа энэ эдийн засгийн хямрал бол улам гүнзгийрнэ шүү гэдгийг бид олон удаа хэлж, дүгнэлтээ уншиж байсан. Манай намыг юм хэлэхээр олонх “даапаалсан” ийм байдаг. Эргээд юунд хүрэв гэхээр юмны үнэ нэмэгдлээ. Валютын ханшийг хэдэн сар, жилээр хүчээр барих гэж оролдсон. Бид нар урт хугацааны стратегитай ажиллахгүй байна. Гал унтрааж л яваад байна. Бид үүнд улс орныхоо төлөө хамтарч ажиллахад бэлэн байна”
УИХ-ын гишүүн Б.Пүрэвдорж: “Бидний энэ хямргал бол цэвэр ложистикийн хямрал. Нэн ялангуяа төмөр замын хямрал. Бид хойноо тарифын асуудалтай, урдаа болохоор царигийн асуудалтай”
УИХ-ын гишүүн Ш.Адьшаа: “Яагаад энэ зах зээлийн зарчмаар явахгүй байна. Өнөөдөр зохиомол хомстол үүсгээд явахаар чинь угаасаа л хямрал үүснэ. Би эдийн засагч хүн биш л дээ. Энэ мэт асуудлыг ярьж шийдэх шаардлагатай”
