Зариг.мн сайтын бэлтгэсэн өсвөх насны хүүхдүүд үс идэх зуршлаас болж xaraлгaaнд орсон тухай эцэг эхчүүдэд сэрэмжлүүлэг болгон ЭХЭМҮТ-ийн Ерөнхий мэс заслын тасгийн эмч, профессор А.Цэнджав-тай ярилцсан ярилцлагыг хүргэж байна.
ЭХЭМҮТ-д энэ сарын 01-нд үс идэх зуршилтай 13 настай охинд хагалгаа хийжээ. Охины ходоодноос 1.2 килограмм үс гаргасан байна. Охины биеийн байдал сайжирч эмнэлгээс гарсан талаар ярьж байлаа.
Энэ он гарснаар нийт таван хүүхдийн ходоодноос үс гаргах хагалгааг ЭХЭМҮТ-д хийсэн байна. Тодруулбал , 5-13 насны дөрвөн охин нэг хүүд энэ төрлийн хагалгааг хийжээ. Хүүхдүүд үсний самны сэв болон өөрийнхөө үсийг иддэг бөгөөд сүүлийн үед энэ төрлийн өвчлөл нэмэгдэх хандлагатай байгаа учраас эцэг эхчүүдийг хүүхдүүддээ анхаарлаа хандуулж байхыг зөвлөлөө.
Уг асуудлаар бид ЭХЭМҮТ-ийн Ерөнхий мэс заслын тасгийн эмч, профессор А.Цэнджаваас тодруулсан байна.
Тэрээр хэлэхдээ: Ойрын жилүүдэд хүүхдүүд ихээр өөрийн үсийг идэх зуршилтай тэр нь даамжраад ходоодоо түгжрэлд оруулсан 5 ба түүнээс дээш насны хүүхдүүд ирсэн тохиолдол ихсэж байгаа. Яг ийм тохиолдолд өмнө өмнөх жилд жилдээ нэг л тохиолдол гарч байсан хэдий ч энэ удаа 5 тохиолдолд хүүхдүүд ирсэн. Ингээд харахаар энэ зуршлын тохиолдол элбэгшиж байна гэж ойлгож болох юм.
Энэхүү хүүхдүүд чухамдаа cтpеcc болон бэлгийн бойжилт, шилжилтийн насны үедээ элбэг тохиолдож байгаа юм. Иймд эцэг эхчүүд болон асран хамгаалагч нарыг хүүхдүүдээ алхам тутамд нь анхаарч сэрэмжтэй байхыг хүслээ.
Эх сурвалж: Zarig.mn
