Төв талбайд өчигдөр /2022.04.07/ залуус төр, засгийг ажлаа хийхийг шаардаж, тайван жагсаал хийсэн. Улмаар үүрийн 04:00 цагийн үед цагдаа нар хүч хэрэглэн жагсаалыг албадан тарааж, 67 иргэнийг баривчилсан гэх мэдээлэл гараад байсан юм. Тэгвэл энэ талаар өнөөдөр /2022.04.08/ ЭЦА-наас дөнгөж сая мэдээлэл хийлээ.
Энэ үеэр ЦЕГ-ын дэд бөгөөд Нийслэлийн цагдаагийн удирдах газрын дарга, цагдаагийн хурандаа Р.Отгонжаргал жагсагчдыг “зорилгоо ч мэдэхгүй залуус” хэмээн онцлов.
Тэрбээр “Өчигдөр өглөө 10 цагаас залуус жагсаал цуглаан хийсэн. Тэд зөвшөөрөл аваагүй. Зүгээр явж байгаа залуусыг бид саатуулахгүй. Харин жагсаалын үеэр зорилгоо ч мэдэхгүй залуус бусдын автомашины цонх хагалж, чулуу мод, шидэж, эвдэж сүйтгэж байсныг саатуулсан” гэсэн юм.
