Үндэсний үйлдвэрлэгч, ТОП аж ахуйн нэгжээр 4, 5 удаа шалгарсан гэх зэрэг аль сайн бүхний гуншинтай “ЖҮР ҮР” компани ёстой “Магтсан хүүхэн хуримандаа яана…” гэгч болов.
Гэхдээ үндэсний үйлдвэрлэгч, том компани байлаа гээд бусдыг д.о.р.о.м.жилж, д.ээр.элхэж, ард иргэдийн эрүүл мэндээр наадаж болно гэсэн үг биш гэдгийг энд зориуд хэлье.
Хүнийг наркоз авч хагалгаанд ортол нь з.а.в.аан, б.а.лиар, б.ү.дүүлэг үйлдэл гаргачхаад “Тэр хүүхэн мөнгө нэхсэн, хандлага нь тийм байсан. Манай хаалга үүдийг эвдэх дөхсөн. Үүгээр бужигнуулсан. Өөрийнхөө хэлсэн ярьсан зүйлийг үнэн зөв гээд гарын үсгээ зурсан байгаа.” гэх зэргээр ярьж буянтны дүр эсгэх залууг хараад үнэндээ о.гиу.дас хүрсэн, бас өрөвдсөн…
“Э” бүсгүй хэрэв өчигдөр олон нийтийн сүлжээнд ил гарч ирээгүй бол өнөөдөр “Худлаа хэлж мөнгө нэхсэн ТЭН.ЭГ ХҮҮХЭН” болох байв. Азаар тэр бүхий л зүйлийг өөрөө бас нөхөр нь баримтжуулсан байв.
Хагалгаа хийлгэчхээд ядруухан байгаа ч уур, гомдолоо барьж дийлэхгүй яваа эмэгтэй хүнд ямар муухай бүдүүлэг, харгис хандаа вэ. Тэр манаач гэх өвгөн бас юү вэ. Чоно борооноор гэгчээр эмэгтэй хүний х.ө.х.нөөс нь ба.рьж татаж байдаг… гээд энэ мэтээр “ЖҮР ҮР”-ийнхний гаргасан булай, ёс зүйгүй үйлдлүүдийг цааш хөврүүлж болно.
Гэхдээ энд ганцхан зүйлд туйлаас баярлаж буйгаа хэлэхэд ямар азаар тэнд байсан 4 хүүхдийн хэн нэг нь тэр 3 см орчим модыг залгичхаагүй юм бэ… Үртэй үндэстэй хүн бүр ингэж бодсон ч мэдээж. Бүхэл бүтэн байгууллагын, бүр үндэсний үйлдвэрлэгч томоохон компанийн дарга нь “Хөлөө хүргэх газар яваж заргалдаарай, чи” гэсэн гэхээр эднийхний боловсрол, мэдлэг ямар байгаа нь ч харагдаж буй юм. Дээрээс нь хүн чанар, нинжин сэтгэл гэж ёстой түй ч алга.
Товчхондоо бол хүний эрүүл мэндээр наадчихаад тэр хүндээ д.ээ.рэл.хүү, ихэрхүү хандаж байгаа энэ нөхдөд бялуун дотор нь мод байгаа нь асуудал биш гэдгээ өөрсдийнхөө үйл хөдлөл, харилцаагаараа харуулж, “Хожим хадаас гараад ирэхэд ч гайхсаны хэрэггүй шүү” гэж буй юм шиг хандлаа.
Иймд шат шатны байгууллага анхааралдаа авч, “ЖҮР ҮР” компанид зохих хариуцлагыг нь ногдуулах ёстой гэдгийг хэлье. Энэ талаарх мэдээллийг манай сайт эргэн хүргэх болно.
Сэтгүүлч: С.Цээл
Эх сурвалж: erennews.mn
