Орфей” театрын уран бүтээлчид өнгөрсөн онд дэлхийн суут зохиолч Ф.М.Достоевскийн “Гэм зэм” жүжгийг Монголд анх удаа найруулж, олны хүртээл болгосон. Үзэгчдийн хүсэлтээр жүжгийг дахин тоглох гэж байгаа талаар уран бүтээлчид өчигдөр хэвлэлийн хурал хийлээ.
Энэ үеэр Төрийн соёрхолт, Гавьяат жүжигчин Ц.Төмөрбаатар “Оюун санааны өөрчлөлт бол дахин төрөлт. Залуучуудын дунд, Монгол Улсад урлагийн шинэ хэлбэр, найруулга, тоглолт, хэл яриа зайлшгүй хэрэгтэй байна. Аль болгон бид дэлхийн хөгжлийн араас явах билээ, болж өгвөл зэрэгцэж явмаар байгаа. Яагаад бид өнөөдөр гаднын театртай өрсөлдөх хэмжээний жүжиг тавьчхаад тухайн оронд нь очоод гайхуулаад тоглож болохгүй гэж.
Ц.Төмөрбаатар гэдэг хүний хувьд “Орфей” театр, жүжгийн группийнхээ хувьд хамгийн ахмад нь. Өмнөх тоглолт дээр хамгийн хөгшин нь би байсан бол урлагийн төлөө, 50 эргэм насны Свидргайлов харагдах гэж гоо сайхны мэс засалд орсон. Ингээд би жүжгээрээ, уран бүтээлээрээ, бие, нүүр царайгаараа гурав төрлөө” гэв.
Ч.Мөнхбаяраас гадна гадаадын тагнуулд үйлчилдэг гурван монгол иргэнийг илрүүлжээ
ТЕГ-аас өчигдөр мэдээлэл хийж, иргэн Ч.Мөнхбаяр гадаадын тагнуулын газартай хамтран ажилласныхаа төлөө тогтмол мөнгөн урамшуулал авдаг байсан хэмээв.
Тэгвэл үүнээс гадна гурван монгол иргэн гадаадын тагнуулын газартай хамтран ажиллаж байсныг дуулгалаа.
Тодруулбал, Монгол Улсын иргэн Л нь гадаадын тагнуулын байгууллагатай хамтран ажиллаж, мөн л мөнгөн урамшуулал тогтомол авдаг байсныг илрүүлж, хэргийг нь шүүхэд шилжүүлснээр найман жилийн хорих я л оноожээ.
Мөн иргэн А, Э нар гадаадын тагнуулын байгууллагатай хууль бусаар хамтран ажилласан, гадаадын тагнуулын албаны нэр бүхий ажилтан Монгол Улсын нутаг дэвсгэрт тагнуулын үйл ажиллагаа явуулсан үйлдлийг илрүүлэн, мөрдөн шалгасан. Одоогоор шүүхийн шатанд яваа аж
