Шадар сайдаар ахлуулсан “Kopoнавиpycт халдварын цар тахлын үед Монгол Улсын хилийн боомтын үйл ажиллагааг сайжруулж, экспорт импортын барааны ачаа тээврийг эрчимжүүлэх, хилийн боомтын захиргааг удирдлага, зохицуулалтаар хангах цогц арга хэмжээг шуурхай авч хэрэгжүүлэхтэй холбоотой шийдвэр гаргах, шаардлагатай санхүүжилт, хариуцлагын арга хэмжээний талаар санал гаргах үүрэг бүхий” ажлын хэсэг Замын-Үүд боомтод ажиллаж, тодорхой арга хэмжээнүүдийг газар дээр нь хэрэгжүүлэв.
БНХАУ-ын хилийн Эрээн боомтод гурван сарын хугацаанд саатсан ачаа тээврийн үйл ажиллагааг халдвар, хамгааллын өндөр хяналтад зохион байгуулж, чингэлэг тээврийн үйл ажиллагааг эхлүүллээ. Цар тахлын нөхцөлд халдвар хамгааллын дэглэмийг баримтлан ачаа барааг тасалдуулахгүй явуулахын тулд хоёр улсын хилийн дунд “0” цэг байгуулж, чингэлэг тээврээр ачаа барааг оруулж ирэхээр болсон юм. Улмаар чингэлэг тээврийг түр хугацаагаар зогсоогоод байсан ч Монголын талаас төрийн тусгай чиг үүрэг гүйцэтгэж байгаа байгууллагын алба хаагч, жолооч нарыг тусгаарлан, халдвар хамааллын өндөр дэглэм дор ачаа тээврийн үйл ажиллагааг ажиллуулна.
Өөрөөр хэлбэл, экспорт, импортын ачаа барааг тасралтгүй явуулах, бараа бүтээгдэхүүний үнийн өсөлтийг бууруулах, тогтворжуулах зорилгоор Засгийн газраас тодорхой ажлуудыг хэрэгжүүлж байна. Цагдаа, Хилийн цэрэг, Онцгой байдлын ахлагч болон түүнээс ахлах цолтой мэргэжлийн жолооч нарыг зохион байгуулалтад оруулж, хилийн хоёр улсын хил дундын “0” цэгээс ачаа, бараа тээвэрлэх үйл ажиллагаа явагдах юм.
БНХАУ-ын Эрээн хотын гаалийн хашаанд манайх улс руу импортлох ачаа бараа, чингэлэгүүд төвлөрч байгаа. Эрээний гаалийн хашаанаас “СиноТранс” компани “0” цэг дээр авч ирэх эрхийг авсан. Тээврийн чингэлэг зөөх том оврын тавцантай, тавцан түгжигчтэй автомашинуудыг түрээслэх, тэдгээр хүмүүсийг тусгаарлан байрлуулах, “0” цэгээс Замын-Үүд дэх ложистикийн төв рүү чингэлэг бүхий ачааг зөөх шатахууны тодорхой зардлыг Засгийн газрын нөөц сангаас гаргахаар болсон. Ложистикийн төвд буусан чингэлэг бүхий ачаа барааг Улаанбаатар хот болон бусад аймаг хот руу уртын тээврээр хүргэнэ.
Цаашдаа халдвар хамгааллын дэглэмийг өндөр хэмжээнд баримтлан, халдварын эерэг тохиолдол гаргахгүй бол хилийн боомтуудын хооронд чингэлэгтэй ачаа тээврийн үйл ажиллагаа тасралтгүй явагдаж, өдөрт гарах чингэлэгийн тоог нэмэгдүүлэх боломж бүрдэх юм.
***
“IIT“ токен хөрөнгө оруулагчиддаа сар бүр 5-10%-ийн ногдол ашиг өгнө
Бөсгөсөн шохой, шахмал түлшний барьцалдуулагч үйлдвэрлэдэг баргил тех компаниас энэ сарын 9-ний өдрөөс эхлэн IIT токеныг гаргалаа. Хөрөнгө оруулсан иргэн сар бүр 5-10%-ийн ногдол ашиг авах боломжтой. Энэ токен нь хийсвэр зүйл дээр бус инновацийн үйлдвэрлэлийн кластер хөгжүүлэх зорилготой, хөнгөн үйлдвэрийн Баргил тех компанийн гаргаж буй токен юм. Нээлттэй болон хаалттай арилжаагаар тус бүр 15 тэрбум төгрөгийн хөрөнгө оруулалт татахаар төлөвлөжээ.
Энэ токен нь бусад токен, койноос ялгаатай нь үйлдвэрлэлд, бодит зүйлд суурилснаараа давуу талтай. Энэ токеноор 2017 оноос үйл ажиллагаа явуулсан Баргил тех компани хөнгөн аж үйлдвэрийн салбарт кластерын системийг хөгжүүлж, цаашид барилгын материалуудыг үйлдвэрлэх зорилготойгоор токеныг гаргажээ. Нэгж токен 3 төгрөг, нэг хүн 15 сая хүртэл төгрөгийн токен авах боломжтой. IIT токены талаар дэлгэрэнгүй мэдээллийг iit.mn bargiltEch.mn сайт болон фейсбүүкийн IIT token хуудсаар авах боломжтой. 1-р сарын 16нд токены захиалга хаагдана.
