Ерөнхий боловсролын сургуулийн ахлах ангийн 17 настай сурагч охин 21 настай найз залyyдаа бyy.дyyлж н.а.с бар.сан хэр.эг өнгөрөгч оны аравдугаар сарын 31-нд Өвөрхангай аймагт болсон.
Та.лий.гаач охины цог.цо.ст хийсэн шүүх шинжилгээний дүгнэлт гарсан тухай эх сурвалж мэдээллээ. Охин тар.хин.даа б.yyд.yyлс.нaac ам.иа алд.caн нь тогтоогджээ. Мөн oxины биеэс та.лийг.аач найз 3aлyyгийнх нь бай.ж бол.зошгүй э.р бэл.гийн э.с илэрсэн байна.
Эх сурвалж: eguur.mn, ergelt.mn
УИХ-ын гишүүн аав ээж, ах дүү, гэр бүлийн гишүүнээ төрийн байгууллагын ажил албан тушаалд томилуулахыг хориглоно
УИХ-ын чуулганы өнгөрсөн сарын 30-ны нэгдсэн хуралдаанаар шинэчлэн баталсан УИХ-ын гишүүний ёс зүйн дүрэм хэрэгжиж эхэллээ. УИХ-ын Ёс зүй, сахилга хариуцлагын байнгын хорооны дарга Б.Бат-Эрдэнэ өнөөдөр хэвлэлийн хурал хийж уг дүрмийг олон нийтэд танилцуулсан юм.
Тэрбээр, “УИХ-ын гишүүн төр, ард түмэндээ өргөсөн тангарагтаа үнэнч байлгахад нь энэ дүрмийн гол зорилго чиглэж байна. Энэ дүрмээр УИХ-ын гишүүн ёс зүйн зөрчил гаргасан бол ард түмнээс уучлалт гуйх юм. Тодруулбал, зөрчил гаргаснаас хойш 5 хоногийн дотор ард түмэн, сонгогчдоосоо уучлалт гуйж, түүнийгээ УИХ-ын Хэвлэл мэдээлэл, олон нийттэй харилцах хэлтсээр дамжуулан олон нийтэд хүргэх юм. Мөн УИХ-ын гишүүн бүрэн эрхийнхээ хугацаанд иргэн, улсын ашиг сонирхлыг эрхэмлэх, төрт ёс, түүх соёлынхоо уламжлалыг хүндэтгэх, хуулийг дээдлэн сахих, ав лигал, ашиг сонирхлын зөрчлөөс ангид байх ёс зүйн зарчмыг тогтоосон.
Түүнчлэн УИХ-ын гишүүн өөрийн хамаарал бүхий этгээдэд давуу байдал үүсгэх үүднээс шалгалт хийх, гэрээ байгуулах, хууль санаачлах, санал хураалтад оролцохыг хориглоно. УИХ-ын гишүүн төрийн албан хаагчаар албаны чиг үүрэгт хамааралгүй ажил хийлгэх, үүрэг гүйцэтгүүлэх чиглэл өгөхийг хориглоно. Мөн УИХ-ын гишүүн бүрэн эрхийнхээ хугацаанд аав ээж, ах дүү, гэр бүлийн гишүүнээ төрийн байгууллагын ажил албан тушаалд томилуулах, санал болгох, иргэн, хуулийн этгээдээс хандив, мөнгөн хөрөнгө, шан харамж гаргахыг санал болгохыг хориглоно. Хандив, мөнгөн хөрөнгө гаргахыг санал болгохыг хориглох заалт Сонгуулийн тухай хуульд заасан хандив авах заалтаас бусад тохиолдолд хэрэгжих юм” гэлээ.
Түүнчлэн уг дүрэмд УИХ-ын гишүүн ажил үүргийн хүрээнд авсан мэдээллийг хувийн хэрэгцээнд ашиглах, бусдаас эдийн засгаас хараат байдалд байх, нэр хүнд, эрх мэдлээ ашиглан үнэт цаас, эд хөрөнгө олж авах, аливаа этгээдэд нөлөөлөхийг хориглохоор заажээ. Мөн хуулиар хориглосон аливаа ажил эрхлэх, цалин хөлс урамшуулал авах, цалин өгөхийг шаардахыг хориглохоор заажээ. УИХ-ын гадаадад томилолтоор ажиллахдаа Монгол Улсын нэр хүндэд харш аливаа үйлдэл гаргахгүй байх, Монгол Улсын Ерөнхийлөгч, УИХ-ын даргын зөвшөөрөлгүйгээр гадаад орны төрийн дээд цол, одон медаль авахыг хориглох, дотоод, гадаадын хуулийн этгээдэд давуу байдал олгох, үгсэн тохирох, зээл авахыг хориглох зэрэг заалт оруулжээ.
УИХ-ын Ёс зүйн байнгын хороо УИХ-ын гишүүний ёс зүйн зөрчилтэй холбоотой гомдол мэдээллийг хүлээн авах, шалгах, гишүүний өөрийн хүсэлтийнх нь дагуу шалгах аж. УИХ-ын гишүүн ёс зүйн дүрэм зөрчсөн гэж үзвэл сануулга өгөх, уучлалт гуйхыг үүрэг болгох, албан тушаалын цалинг 6 сарын хугацаанд 20 хувиар бууруулах зэрэг хариуцлага тооцох юм. Уг дүрэм энэ сарын 1-нээс хэрэгжиж эхэлж буй юм.
Ташрамд дурдахад, УИХ-ын Ёс зүй, сахилга хариуцлагын байнгын хороо өнгөрсөн онд эрхлэх асуудлынхаа хүрээнд хамаарах хууль тогтоомжийн хэрэгжилтийг шалгаж, УИХ-ын гишүүний ёс зүйн дүрмийг шинэчлэн боловсруулсан байна. УИХ-ын 2021 оны намрын ээлжит чуулганы хугацаанд тус байнгын хороо 7 удаа хуралдаж, 10 хууль, тогтоолын төслийг хэлэлцэн, санал дүгнэлт гаргажээ.
