Улсын бүртгэлийн ерөнхий газраас регистрийн дугаарыг халахгүйгээр иргэний бүртгэлийн дугаарыг хэрэглээнд нэвтрүүлэх болжээ.
Иргэний төрсөн болон харьяалалтай газар, төрсөн он, сар, өдөр, хүйс зэрэг хувийн мэдээллийг агуулсан учир аюулгүй байдлыг хангах зорилгоор энэхүү бүртгэлийн дугаарыг хэрэглээнд нэвтрүүлэх юм.
Монгол улсын иргэн бүрд энэхүү бүртгэлийн дугаар олгогдсон байгаа. Иргэн та иргэний үнэмлэхийн QR кодыг уншуулснаар 12 орон бүхий иргэний бүртгэлийг дугаараа мэдэх боломжтой юм.
Жич: Зарим нэг шооч хүмүүс сошиал орчинд нэрний ч хэрэггүй болох байх яваандаа. Ер нь бүртгэлийн дугаараа духан дээрээ шивүүлчихвэл зүгээр юм бишүү. Чи хэн бэ гэхээр? -Би тэд дугаартай тэр гэх гэж төвөгшдээ… Тийм болохоор утасаараа кодоо уншуулаад хэн гэдгийг нь таниад л гэхчлэн хошигножээ.
МУГТ Г.Уранцэцэгийг үрийн зулай үнэрлүүлэхийг нөхөр нь арван жил хүлээж байна
Шинэ оны босгон дээр Монголын дэлгэцийн урлагт “ГЭРГИЙ” хэмээх шинэхэн хөрөг нэвтрүүлгийг “Амьдрал фильм”-ийн зүгээс толилуулж эхэлжээ.
Уг нэвтрүүлэг нь “Цензургүй яриа”, “Цензургүй сурвалжлага” нэвтрүүлгээр олноо танигдсан сэтгүүлч Л.Мөнхбаясгалан ба түүний нөхдийн хамтын уран бүтээл юм.
Анхны зочноор Монгол улсын хөдөлмөрийн баатар, гавьяат тамирчин, олимпын хүрэл медальт Мөнхбатын Уранцэцэг оролцлоо.
Түүний нөхөр Г.Төрмөнх ч бас таэквондогоор хичээллэдэг байсан бөгөөд нэвтрүүлгийн үеэр эхнэрээ зо до г та йла асай хэмээн битүүхэн хүсдэг гэдгээ нуусангүй.
Харин спортын амтанд шу наса н бүсгүй дэвжээгээ орхих нь бүү хэл цаашид холимог тулаанаар хичээллэж UFC-д хүч үзэж, тив, дэлхийд дахин нэрээ дуурсгахыг хүсэж буйгаа дурдав. Тиймдээ ч М.Уранцэцэг өнгөрсөн аравдугаар сараас тулааны бэлтгэлдээ ороод эхэлсэн аж.
Бөхийн төрлөөс тулааны спорт руу урваж, олон амжилт үзүүлсэн хүн олон байдаг тул тэрбээр тэднийг нэг байхыг ч үгүйсгэхгүй юм.
М.Уранцэцэг оны өмнө спортын шилдгүүдийг шалгаруулдаг “Бөртэ-Чоно” наадмаас “Токио-2020” олимпын наадмаас хүрэл медаль хүртсэн амжилтаараа 2021 оны шилдгийн шилдэг тамирчнаар шалгарсан юм. Мөн тэрбээр “Шилдэг эмэгтэй тамирчин”-аар шалгарч “Бөртэ-Чоно” шагналын эзэн болсон билээ.
Харин спортод зүрх сэтгэлээ зориулсан М.Уранцэцэг хүүхэдтэй болж хараахан амжаагүй яваа бөгөөд нөхөр нь хүүхэдтэй болохоо арван жилийн турш хүлээж байгаа аж. Энэ тухай тэрээр:
-Ийм сайн ханьтай учирсан би их азтай хүн. Ханиараа бахархдаг. Заримдаа ханийгаа өрөвддөг юм. Би эмэгтэй хүн. Үрийн зулай үнэрлэн, ханийгаа баярлуулъя гэж бодолгүй яах вэ.
Спортын төлөө, амжилтын төлөө гэсээр хувийн амьдралаа хойш нь тавин зүтгэсээр өдий хүрлээ хэмээн ярих нь нүдэндээ цаанаа л нэг гуниг тээсэн харагдав. Хосууд дөрвөн хүүхэдтэй болохыг хүсдэг гэнэ.
