ТӨРИЙН ЖИНХЭНЭ АЛБАНЫ НӨӨЦӨД БҮРТГЭЛГҮЙ, ТУСГАЙ ШААРДЛАГЫГ ХАНГААГҮЙ СОНГОН ШАЛГАРУУЛАЛТГҮЙГЭЭР ТОМИЛОГДСОН АЛБАН ХААГЧИЙГ ЧӨЛӨӨЛӨХИЙГ БҮХ ТӨРИЙН БАЙГУУЛЛАГАД ҮҮРЭГ БОЛГОЛОО.
Ц.а.р т.а.х.л.ын хуулийн хүрээнд сонгон шалгаруулалтгүйгэPэр төрийн албанд томилогдсон алба хаагчдыг өнгөрсөн оны сүүлийн өдөр үүрэгт ажлаас нь чөлөөлөх тогтоол гарчээ. Тодруулбал, Төрийн албаны зөвлөлийн 2021 оны арванхоёрдугаар сарын 30-ны өдрийн хуралдаанаар “Албан тушаалын сул орон тоог нөхөх зарим арга хэмжээний тухай” 411 дүгээр тогтоолыг баталсан байна.
Уг тогтоолд “Төрийн жинхэнэ албаны нөөцөд бүртгэлгүй, хууль, албан тушаалын тодорхойлолтод заасан тусгай шаардлагыг хангаагүй сонгон шалгаруулалтгүйгээр томилогдсон албан хаагчийг арванхоёрдугаар сарын 31-ний өдрөөр тасалбар болгон албан үүргээс нь чөлөөлөх”-ийг төрийн байгууллага, Төрийн албаны зөвлөлийн салбар зөвлөлүүдэд үүрэг болгожээ.
Мөн тэдгээр иргэдтэй байгуулсан хөдөлмөрийн гэрээг мөн өдрөөр дуусгавар болгож, цаашид энэ үндэслэлээр гэрээ байгуулж, сунгахгүй байх, сул орон тооны мэдээллийг долоо хоногт, сонгон шалгаруулалт явуулах захиалгыг 21 хоногт багтаан Төрийн албаны зөвлөл, Салбар зөвлөлд харьяаллын дагуу хүргүүлэх, албан хаагчийн үүргийг хууль, журмын дагуу түр орлон гүйцэтгүүлэх юм.
Дашрамд дурдахад, 2021 оны гуравдугаар улирлын байдлаар Төрийн албаны тухай хууль тогтоомжийг зө рч иж, албан тушаалд томилсон 519 хууль бус томилгоог илрүүлсэн байдаг.
Чөлөөлөгдөх албан тушаалтнууд: Соёлын яамны ТНБД С.Оюунбилэг /2021 оны зургадугаар сар/, Батлан хамгаалахын яамны ТНБД Д.Ганхуяг /2020 оны наймдугаар сар/, Боловсрол, шинжлэх ухааны яамны ТНБД Л.Цэдэвсүрэн /2021 оны аравдугаар сар/, Эрчим хүчний яамны ТНБД Б.Насантогтох /2020 оны наймдугаар сар/, Эрүүл мэндийн яамны ТНБД Ц.Эрдэмбилэг /2021 оны хоёрдугаар сар/,
Чөлөөлөгдөх агентлагийн дарга нар:
Тагнуулын Ерөнхий газрын дарга П.Одонбаатар /2020 оны есдүгээр сар/, Харилцаа холбоо, мэдээллийн технологийн газрын дарга Б.Болор-Эрдэнэ /2020 оны долдугаар сар/, Үндэсний хөгжлийн газрын дарга Х.Батжаргал /2020 оны арванхоёрдугаар сар/ , Төрийн тусгай хамгаалалтын газрын дарга Л.Алтангэрэл /2021 оны наймдугаар сар/, Биеийн тамир, спортын улсын хорооны дарга Ц.Шаравжамц /2020 оны наймдугаар сар/, Төрийн өмчийн бодлого зохицуулалтын газрын дарга Б.Цэнгэл /2020 оны долдугаар сар/, Мэргэжлийн хяналтын ерөнхий газрын дарга Б.Гантулга /2020 оны долдугаар сар/, Онцгой байдлын ерөнхий газрын дарга Г.Ариунбуян /2020 оны долдугаар сар/, Шударга өрсөлдөөн, хэрэглэгчийн төлөө газрын дарга Б.Бат-Эрдэнэ /2020 оны наймдугаар сар/, Усны газрын дарга Ш.Мягмар /2020 оны есдүгээр сар/, Цагдаагийн Ерөнхий газрын дарга Ж.Болд /2020 оны долдугаар сар/, Улсын бүртгэлийн ерөнхий газрын дарга Д.Дэлгэрсайхан /2020 оны наймдугаар сар/, /2020 оны арванхоёрдугаар сард сонгон шалгаруулалт зарласан ч үр дүнг мэдээлээгүй/ Гадаадын иргэн харьяатын газрын дарга Н.Ууганбаяр /2020 оны наймдугаар сар/, /2020 оны арванхоёрдугаар сард сонгон шалгаруулалт зарласан ч үр дүнг мэдээлээгүй/
Оюуны өмчийн газрын дарга Б.Энхсүх /2020 оны есдүгээр сар/, /2020 оны арванхоёрдугаар сард сонгон шалгаруулалт зарласан ч үр дүнг мэдээлээгүй/ Эм, эмнэлгийн хэрэгслийн хяналт зохицуулалтын газрын дарга /2020 оны нэгдүгээр сар/, Хөдөлмөр, халамжийн үйлчилгээний газрын дарга Л.Дашдэмбэрэл /2020 оны дөрөвдүгээр сар/, Хөгжлийн бэрхшээлтэй хүний хөгжлийн ерөнхий газрын дарга Э.Тамир /2020 оны есдүгээр сар/, Соёл урлагийн газрын дарга Ц.Нацагдолгор /2020 оны есдүгээр сар/,
Иргэний нисэхийн ерөнхий газрын дарга С.Мөнхнасан /2021 оны наймдугаар сар/, Үндэсний геологийн албаны дарга О.Чулуун /2020 оны наймдугаар сар/, Жижиг, дунд үйлдвэрийн газрын дарга Я.Эрдэнэсайхан /2020 оны наймдугаар сар/, Эрүүл мэндийн даатгалын газрын дарга Л.Бямбасүрэн /2021 оны есдүгээр сар/,
ЭХ СУРВАЛЖ: TV6
