ШИНЭН-ын дарга, УИХ-ын гишүүн асан Ж.Батзандан сонгуульд ялагдсандаа бухимдангүй яваа. Тэрээр таарсан хүн болгондоо бид сонгуульд луйвардуулж ялагдал хүлээсэн.
Унасан бөх ууртай гэдгийн үлгэрээр тэрээр нэгэн сенсаци тарихаар ажиллаж байгааг эх сурвалж хэллээ. Сар гаруйн өмнө сонгуулийн үр дүнг хүлээн зөвшөөрөхгүй хэмжээн бархирч байсан мань эр ‘Сонгуулийн луйвар ба иргэдийн сонгох эрх зөрчигдсөн нь’ гэдэг нэртэй баримтат киног хийж эхэлжээ. Баримтат киноны баг нь ажилдаа ороод байгаа бөгөөд Монгол улсын аймаг, дүүрэг болгонд ажиллан иргэд, олон түмэн, нэр дэвшиж өвдөг шороодсон нөхдүүдтэй уулзаж баримтжуулж явааг өөрөө зарлалаа.
Санал хураах хар машины хэрхэн ажилладаг талаар цоо шинэ баримт гаргана гэдгээ тэр бас мэдэгдлээ. Уг баримтат киноны баг Монголыг бүтэн тойрох аж. Түүний зорилго нь ард түмний саналыг яаж луйвардаж, хулгай хийдэг процессыг олон нийтэд дэлгэх юм байна. Эцэст нь Батзандан ‘Сонгууль луйвардсан хүмүүс ажлаа хийгээд явж байгаа.
Гэхдээ удахгүй хариуцлагаа хүлээх цаг ирнэ. Ардчилал шударга ёсон дээр тогтдог. Маш аймшигтай мэдээллүүд бидэнд цугларсан. СЕХ-ны дийлэх нь МАНАН мафийн саварт орсныг баримтаар’ дэлгэнэ гэжээ.
Тун удахгүй Монголын ард түмэн Сонгуулийг хэрхэн хийдэг талаар баримтат кино үзэх нь ээ.
