Цахим сүлжээ, олон нийтийн мэдээллийн хэрэгсэл телевизээр сүүлийн үед зөвшөөрөлгүй хонжворт сугалаа их явуулж талаар Татварын ерөнхий газраас мэдээллээ. Ийм зөрчил гаргаж буй 26 иргэн, ААН-ийг хуулийн байгууллагад шалгуулахаар өгсөн талаар мэдэгдлээ. Татварын байгууллагад урьдчилж мэдэгдэхгүйгээр олон нийтээс мөнгө хурааж, азтан шалгаруулах нь хууль бус үйлдэл юм гэдгийг тодотгож байна.
Мөн цахим сүлжээнд хонжворт сугалаа зохион байгуулж буй олны танил хүмүүст шаардлага хүргүүлж, зөвшөөрөлгүй үйл ажиллагаа их явуулж буйд телевизүүд анхаарч ажиллахыг сануулжээ. Хонжворт сугалаа нь ААН-ийн Тусгай зөвшөрөлийн тухай хуулийн дагуу холбогдох баримт матераилаа бүрдүүлээд эрх бүхий байгууллагаас тусгай зөвшөөрөл аван үйл ажиллагаа явуулдаг тусгай зөвшөөрлийн үйл ажиллагаа юм.
Үйл ажиллагаагаа ингэж албан ёсоор явуулснаар орлогын 40 хувийг татварын албанд тайлагнах ёстой байдаг аж. Сугалаа явуулж буй иргэн, ААН, компаниудын ард зөвшөөрөл нь байгаа эсэхийг татварын байгууллагаас хянан шалгаж байна. Өнгөрсөн онд цахим орчинд мөрийтэй тоглуулах, лайваар азтан тодруулж шалгаруулах гэмт хэргийн улмаас хохирсон 4000 хүн хуулийн байгууллагад ханджээ. Бусдыг залилсан хэргээр 10 этгээдийг шалгаж байна. Татварын хяналт шалгалт үргэлжилж байна.
Б.Адъяахүү: Э.Оюунболд барилдахгүй ч хүрээд ирвэл тосоод л авна
Улсын арслан Э.Оюунболдоос дахин допинг илэрсэн тул барилдах эрхийг нь найман жилээр хасаад байгаа билээ.
Түүний багш, улсын начин Б.Адъяахүү “Эр хоёр эндэж Эрэг нэг биш удаа нурлаа… Ямартай ч бөхөө гэсэн олон түмнээсээ уучлалт гуйгаарай. Миний хувьд ч сэтгэлийг нь татаж өнөөдрийг хүртэл хажуудаа байлгаж чадаагүйдээ уучлалт гуйж байна…2016 оноос цөхөрч эхэлсэн ба олон хүн одоо орхио, өөр багштай болсон хүн буянаараа болог гэсэн ятгалтанд орсон байх.
За өөрт бодогдож буй зүйлээ хэлье. Сэргээшийн шинжилгээнд давтан бүдэрсэн хайран сайхан шавь Э.Оюунболдын талаар байр сууриа илэрхийл, өмөөр, үгээ хэл гээд олон хүн хандаж байна.
Шавь минь 2013 онд улсын харцага цолонд хүрээл багшаасаа жаахан дөлж эхэлсэндээ. Дараа жил Аварга дээд сургуулийг 2014 онд төгсгөөд наадмын бэлтгэлд аваад гарах гэтэл Эрхэмбаяр аваргатай /төр хурхын/ амралтанд бэлтгэлд гарна гээд захлаад эхэлсэн ба тэр жил доогуур унасан юм даг…
2014 оны намраас нь бага зэрэг гэмшээд бэлтгэл сайн хийж эхэлсэн ба 2015 оны дөрөвдүгээр сард 1024 бөхийн барилдаанд түрүүлээд л бас хэд хоног олдоогүй ба 7 хоногийн дараа Баянмонгол орчмоос бүтэл муутайхан явж байхад нь олж авсан байдаг. Тэр үеэс л бид 2- н нэг нь зугтаж нөгөө араас нь хөөцөлддөг цаг үе ширүүхэн эхэлсэн юм даг. Яахав чих нь арай зөөлөн байсан болохоор бэлтгэлд 2015 оны 6 сард нэг юм аваад гарсан…Тэр жил бороо их оройтож нийт нутаг гантай байсаар 7 сарын 2 нд бороо орж эхэлсэн. Сүүж уулын наадмын бэлтгэлд миний бие их л ядарч, харшиж наадамтай золгосон бөгөөд Оюунболд харцага торолгүй түрүүлж магнай тэнийлгэсэн билээ…Нуугаад яахав баярласандаа нулимс гаргаж байсан. Ер нь бол Обо хүү 2007 оноос 2015 он хүртэл Аварга сургууль дээр тууштай бэлтгэл хийсэн ба тэр он жилүүд нь сурагч, оюутан цаг хугацаа байж дээ.
За тэгээд 2016 оны хавар шилдэг 16 бөхийн барилдаанд сайн барилдуулах гээд л гэрт нь манаж байж л бөхийн өргөөнд авчирсан юмдаг. Гэх мэт багш, дасгалжуулагч, манаач, секрит, сэтгэл зүйч гээд олон жил араас нь гуйж гувшиж явсаан. Юунаас гэхээр архи, бүтэл муутай, хумсаа нуусан муу хүмүүсээс хол байлгах гэж тэр л дээ. Нэг хэсэг холбоо тасраад наадмаар л тааралддаг болсон ба 2019 оны наадмаар бараа бараандаа 1 сар хамт байх, бэлтгэлийг нь харах, алдаа оноогоо ярих боломж гарч билээ.
Миний бие 2018 оноос Аварга сургуулиас гадна Даян дэвжээний зөвлөх дасгалжуулагчаар давхар ажиллаж байгаа ба 2019 онд Гончигдамба гарьд, Оюунболд арслан 2-г олон барилдааны бэлтгэл хийлгэж наадмаар түрүү, үзүүрт хосоор нь хүргэх зорилго тавьсан юм даг . Гэвч санаснаар арай болоогүй ба Гончиг гарьд их шөвөгт үлдэж, Оюунболд түрүүлсэн. Наадмын дараа 1 сар орчим би Завхан аймаг, залуу Аварга Хэнтий зүг рүү амрахаар явцгаасан юмдаг… 8 сарын 10 орчимд сэргээшийн хариу ирж тэнгэр нэргэх шиг цочирдож билээ.
Хүйн 7 худагт болсон барилдаан дээр уулзаад ахиж 2 жил 4 сарын хугацаанд 3 удаа тааралдсан байна бид 2.
Сүүлийн 4-5 жилийн хугацаанд чөлөөт бөхийн ОУХМ Батням багш дээр тасралтгүй бэлтгэл хийсэн байх. Өөрөө ч тэгж ярьж байсан, өрөөлөөс ч би сонссон. Товчхондоо ийм байна. Цаашид юу болохыг миний хувьд таамаглах юм алга. Гэхдээ би хүүдээ хайртай миний том охинтой жацуу юм. Барилдахгүй ч хүрээд ирвэл тосоод л авна. Олон хүнд сургамж боллоо” гэлээ.
Эрчим хүчний сайд Н.Тавинбэх: Ирэх сараас иргэд ус, цахилгаан, дулааны мөнгөө өөрсдөө төлнө
