Аж ахуйн нэгжүүдийн төлөөлөл өнөөдөр /2021.11.24/ цагийн хязгаарлалтыг эсэргүүцэж, мэдээлэл хийлээ.
Энэ үеэр аж ахуйн нэгжийн төлөөлөл “Улсын онгой комиссын гаргасан шийдвэрээр баар, ресторан 50 хувийн дүүргэлттэйгээр шөнийн 00.00 цаг хүртэл ажиллах нөхцөлтэй ажиллах болсон. Энэ шийдвэрээс шалтгаалж зарим нэг аж ахуйн нэгж тэр дундаа баар, рестораны үйл ажиллагааны саатаж байна. Иймээс шөнийн цагаар нууцаар ажиллах асуудал тулгарч байна. Энэ асуудлыг нэг тийш нь шийдэх хэрэгтэй байна. Олонх байгуулага үүдээ хаах цаашлаад ажлын байраа алдах хүртэл эрсдэл тулгарч магадгүй гэв.
Тэдний зүгээс Засгийн газраас гаргасан шийдвэрээ эргэн харж үйлчилгээний газрууд бүтэн 24 цаг үйл ажиллагаа явуулах боломжоор хангаж өгөхийг хүслээ. Түүнчлэн цар тахал зөвхөн шөнийн цагаар тархдаг бус өдөр ч гэсэн бусдад халддаг болохыг онцолсон юм.
Иргэн Д.Амартүвшин:
-Аж ахуйн нэгжийн цагийн хязгаарлалтаас болж том асуудал тулгарч байна. Өглөө, оройдоо автобусаар олон хүн чихэлдээд л явж байна. Гэтэл оройдоо 30-50 хүний дүүргэлттэй баар ажиллах гэхээр мэргэжлийн хяналт, цагдаагийн байгуулага торгууль тавьж байна. Үүнээс үүдэн иргэд яахын аргагүй хүүхдийнхээ дэргэд гэртээ архи дарс ууж эхэлж байна. Үүний улмаас иргэд орон гэртээ архидах асуудал гарч, үйлчилгээний олон газар нууцаар ажиллаж эхэллээ. Эдгээр газрыг буруутгах шалтгаан байхгүй. Учир нь хоёр жилийн турш хөл хорио гээд ажиллаагүй түрээсийн өрөө дарах хэрэгтэй биз дээ. Иймд хоёр нүүртэй хуулийг гууль болгохоо болих хэрэгтэй. Аж ахуйн нэгжүүдийг зүгээр ажлыг нь хийлгэх шаардлагатай байна.
Иргэн Д.Булгантамир:
-Хөл хорионы улмаас аж ахуй нэгжүүд ажилчдынхаа нийгмийн даатгалаа төлж чадахгүй болж байна. Цагийн хязгаарлалтаас болж зээлээ төлж чадахгүй банкны хар дансанд орлоо. Энэ цагийн хязгаарлалтаас болж, шүүхээр 500 мянган төгрөгөөр гурван удаа торгууллаа. Бид хүнд үйлчилж татвар төлж, ажлын байр бий болгосныхоо төлөө яагаад торгуулах ёстой гэж. Энэ дарамтаа зогсоох хэрэгтэй.
Чингэлтэй иргэдийн хурлын төлөөлөгч С.Баярмагнай:
-Улаанбаатар хот өнөөдөр метро хот болж хөгжиж,үйлдвэр үйчилгээгээ дэмжинэ гэж албаныхан ярьдаг. Тэгсэн атлаа яагаад яриа үйлдэл хоёр нь зөрөөд байгааг ойлгохгүй байна. Тухайн аж ахуй нэгж 24 цагаар 30 хоногоор түрээсээ өгчихөөд байхад яагаад улс хориг тавиад байгаа юм. Үлдсэн цагийн төлбөрийг хэн төлөх ёстой юм бэ. Эсрэгээрээ төрөөс хувийн хэвшлээ дэмжээд ажиллах хэрэгтэй.
Хурууны хээгээр ажилчдын цагийг бүртгэхийг болиулна гэв
Хууль зүй болон Инновац цахим бодлогын байнгын хорооны хуралдаанаар Нийтийн мэдээллийн ил тод байдлын тухай хуулийн эцсийн хэлэлцүүлэг өчигдөр /2021.11.24/ боллоо. Хэлэлцүүлгийн үеэр Хууль зүй, дотоод хэргийн яамны төрийн нарийн бичгийн дарга Б.Баасандорж “Хууль хэрэгжүүлэхээс өмнө иргэдийн биеийн давхцахгүй өгөгдөл буюу хурууны хээгээр цуглуулсан бүх мэдээллийн санг устгана. Энэ үйл ажиллагааг зохион байгуулах, хяналт тавих ажлын хэсгийг ЗГ-аас байгуулна. Хууль батлагдсанаар иргэдийн хурууны хээг зөвхөн сонгуулиар сонгогчийг таних, иргэний үнэмлэх олгох, сунгахад л ашиглах юм. Харин бусад тохиолдолд иргэдийн хурууны хээ ашиглахыг хориглоно. Иргэдийн хурууны хээг маш олон төрлийн үйлчилгээнд ашигладаг болсон.
Тухайлбал, супермаркетууд гишүүнчлэлийн карт олгохдоо олон хүний хурууны хээг цуглуулсан байдаг. Банк бус санхүүгийн байгууллагууд, машин худалдаалдаг байгууллагуудад иргэдийн хурууны хээний сан үүсгэсэн байгаа. Мөн зарим төрийн болон хувийн хэвшлийн байгууллагууд цагийн бүртгэл хийхийн тулд ажилчдынхаа хурууны хээг цуглуулсан байдаг. Үүнийг шалгаж болиулах ажлын хэсгийг ЗГ-аас зохион байгуулан ажиллана” гэв.
Дэлхийн сонгодог урлагын шижир алт Э.Амартүвшинд ‘Ардын жүжигчин’ болно
Дэлхийн сонгодог урлагт Монгол хэмээх нэрийг цуурайтуулж яваа гавьяат жүжигчин Э.Амартүвшинд Ардын жүжигчин цол олгохоор болжээ. Тэрээр 2004-2009 онд Соёл урлагийн их сургуулийг гавьяат жүжигчин Ц. Ерөө багшийн удирдлаган дор суралцаж төгссөн бөгөөд 2009 оноос сонгодог урлагийн гараагаа Дуурь бүжгийн эрдмийн театраас эхэлж байжээ.
Түүний хувьд өнгөрсөн хугацаанд дэлхийн томоохон сонгодог урлагийн уралдаан тэмцээнүүдээс дараах шагналуудыг хүртэж байсан.
Тодруулбал:
- -2011 онд П.И.Чайковскийн нэрэмжит ОУ-ын XIV уралдаан /Санкт-Петербург, ОХУ/, II байр мөн үзэгчдийн нэрэмжит шагнал,
- -2012 онд Плачидо Домингогийн ОУ-ын дуурийн дуучдын уралдаан /Бээжин, БНХАУ/, I байр,
- -2013 онд Франциско Винасын нэрэмжит 50 дахь ОУ-ын уралдаан /Барселон, Испани/, II байр, Оросын хөгжмийн зохиолчдын бүтээлийн шилдэг дуучин мөн «Associacio d’Amics de l’Opera deSebadell»-ийн тусгай шагнал,
- -2015 онд «BBC Cardiff Singer of the World» тэмцээн, үзэгчдийн нэрэмжит шагнал,
- -2016 онд «Seoul International Music Competition»-д III байрыг тус тус эзэлсэн.
Ийнхүү 25 насандаа Монгол Улсын Гавьяат жүжигчин цолыг хүртэж байсан билээ.
2016 оноос эхлэн дэлхийн томоохон 10 гаруй театруудтай гэрээ байгуулан дэлхийн дуучин болж, 2021 онд дэлхийн “Шилдэг баритон” дуучнаар шалгараад буй юм.
