Засгийн газрын өргөтгөсөн хуралдаан өнөөдөр 09:00 цагаас эхэллээ. Хуралдаанд 21 аймгийн засаг дарга нар оролцоно.
Мөн өчигдөр Ерөнхий сайд Л.Оюун-Эрдэнэ нийслэлийн ИТХ-ын дарга, аймгийн засаг дарга нартай уулзалт хийсэн. Уулзалтаар 3-р тунг эрчимжүүлэх, өвөлжилтийн бэлтгэлийг бүрэн хангах, ажлын шалгуур үзүүлэлтүүдээ хэрэгжүүлэх, эдийн засгийн шийдэл, зорилгоо тодорхойлсон алсын хараагаа гаргах, сахилга хариуцлагаа дээшлүүлэхийг Ерөнхий сайд үүрэг болголоо.
Түүнчлэн Ерөнхий сайд аймгийн засаг дарга нарт хандан “Ирэх оноос шууд хариуцлага тооцож эхэлнэ. Ажил хийх санаачлагыг дэмжинэ. Хамтарч ажиллана. Авлигын хэрэгт холбогдвол хамгаалахгүй” гэдгээ мэдээлсэн юм.
