УИХ-ын дарга Г.Занданшатар “Вирутал хөрөнгийн үйлчилгээ үзүүлэгчийн тухай хуулийн төсөл эцэслэн батлагдаж, хэрэгжиж эхлэх хүртэл шинээр олон нийтэд КОЙН (IEO) гаргах, арилжаанд шинээр оруулах, худалдаж авахгүй байхыг анхааруулсан.
Тэгвэл энэхүү мэдэлээлтэй зэрэгцээд Соёлын сайд Ч.Номингийн гэр бүлийн хүн Г.Бат-Эрдэнэ найзуудтайгаа хамтран “МNFT.СOIN”-ыг гаргаж байгаа тухайг эх сурвалжууд мэдээлж байна. Тэр байтугай мань Г.Бат-Эрдэнэ өөрийн цахим хуудсаараа дамжуулан ихэд идэвхийлэн сурталчилж байсан гэдгийг ч харж болно.
Үүнийг дурдах болсон гол шалтгаан нь гэвэл Монгол Улсын сайд, Засгийн газрыг төлөөлж байгаа Ч.Номинг ашиг сонирхлын зөрчилтэй хэмээн түүний ойр дотныхон өгүүлж буй юм. Хэдийгээр “МNFT.СOIN”-д Соёлын сайдын гэр бүлийн хүн Г.Бат-Эрдэнийн нэр бүртгэлгүй ч түүний оролцоо асар өндөр, төрийн ордноор гүйдэлтэй болж энэхүү Койноо сурталчилж яваа гэх мэдээлэл ч байна.
Хэрвээ энэхүү мэдээлэл үнэн бол амар хялбар аргаар мөнгөтэй болох гэсэн хэсэг бүлэг хүмүүсийн санаан дээр дөрөөлж “МNFT.СOIN”-ыг гаргаж буй нь Ч.Номин сайдын хувьд маш том ашиг сонирхол. Учир нь өдгөө олон нийт олны танил нэр нөлөө бүхий хүмүүст итгэж өөрсдөд байгаа бүх мөнгөө Койнд оруулж байгаа нь нууц биш.
Тиймээс л сэрэмжлүүлэг болгох үүднээс УИХ-ын дарга Г.Занданшатар хөрөнгө нөлөөтэй, олны танил хүмүүст зориулж “Вирутал хөрөнгийн үйлчилгээ үзүүлэхгүй байхыг анхааруулсан.
Товчхондоо бол дээрх мэдээллээс төрийн сайд хүн КОЙН гаргаж ард түмнийхээ мэдлэг мэдээлэл багатайг ашиглахын зэрэгцээ нөхрөөрөө ЛОБИДУУЛАН төрийг бохир ажиллагаанд татан оролцуулахаар зүтгэж буй дүр зураг бууж буй юм. Хэрэв энэ үнэн бол түүний нөхрийн ЛОББИД автаж үл болно.
Эх сурвалж: erennews.mn
УИХ-ын гишүүн Х.Болорчулуун хурдан морьдоо зарж, гурван ихэрийг байртай болгоно
Дорнод аймгийн Баян-Уул сумын харьяат залуу гэр бүл Б.Ууганхүү, Х.Отгонтуяа нар 2020 оны арваннэгдүгээр сард гурван ихэр хүүхдээ өлгийдэн авсан. Одоо ой хүрээд тэнтэр тунтар алхаж буй ихрүүдийг орон сууцтай болгох санаачилгыг нутгийн олон нь гаргаж, хандивын аян зарласан.
Гэрэл зургийг gogo.mn сайтаас ашиглав
Дорнод аймгаас сонгогдсон УИХ-ын гишүүн Х.Болорчулуун энэ санаачилгыг дэмжиж өөрийн адуун сүргээс хурдан удмын адууг дуудлагаар худалдаж, олсон орлогоо ихрүүдэд орон сууц авахад хандивлахаа мэдэгдсэн юм.
.
.
УИХ-ын гишүүн Х.Болорчулуун хурдан морины дуудлага худалдааг 2021 оны 11-р сарын 14-ний өдөр зохион байгуулахаар товлож, өөрийн торгон сүргээс 10 гаруй хурдан ажнайг дуудлагаар худалдахаар морьдын зураг бүхий танилцуулгыг тавьжээ. Тэрбээр энэ талаар өнөөдөр өөрийн цахим хуудаснаа бичсэн байна.
Үүнд, “Дорнод аймгийн Баян-Уул суманд мэндэлсэн гурван ихэр хүүхдийг орон сууцаар мялаахад зориулж, хурдан удмын адуун сүргээсээ дуудлага худалдаа зохион байгуулахаар шийдсэн билээ. Өнгөрөгч есдүгээр сард энэ арга хэмжээг товлосон боловч к.о.в.и.д-1.9 огцом ихэссэн тул хойшлуулсан юм.
Өнгөрсөн 20 гаруй жил хурдны торгон сүрэг гаргаж авахын тулд тодорхой хэмжээнд цус сэлгэж, системтэй үржүүлсний үрээр Улс, аймаг, сумдын олон ч наадмаас айраг түрүү хүртэж, нутгийнхаа нэрийг дуурсгажээ. Хурдан морь сонирхогч та бүхэн 2021 оны 11-р сарын 14-ний ням гарагийн 13:00 цагт Дорнод аймгийн Булган сумын нутаг Зүрх уул гэдэг газар (аймгийн төвөөс баруун урагш 40 км) болох дуудлага худалдаанд хүрэлцэн ирж, хийморь, азаа үзэн хүүхдийн төлөөх үйлсэд хувь нэмэр оруулахыг урьж байна” хэмээн зар түгээжээ.
