Жүдо бөхийн Олимпын хошой аварга, Дэлхийн хошой аварга, Европын 5 удаагийн аварга Лукас Крпалек Монголд иржээ.
Тэрээр Булган аймагт айлчилж буй бөгөөд Булган аймгийн Биеийн тамир спортын газрын жүдо бөхийн өсвөрийн тамирчдын үзүүлэх тоглолтыг үзэж сонирхсон байна.
Улмаар өсвөрийнхөнд спортын өндөр амжилт хүсээд жүдогийн өмсгөл хувцас бэлэглэлээ.
.
.
Б.ЭНХБАЯР: УИХ-ын гишүүд Төсвөө өөрсдөө баталчихаад ТББ-р дамжуулж өөрсдөө зарцуулдаг
Өчигдөр УИХ-ын чуулганы хуралдаанаар УИХ-ын тухай хуульд нэмэлт оруулах тухай хуулийн төслийг хэлэлцлээ.
Энэ үеэр УИХ-ын гишүүн Б.ЭНХБАЯР: 2020 оны сонгуулийн дараа УИХ-ын гишүүд тангарагаа өргөсний маргааш УИХ-ын тухай хуульд өөрчлөлт оруулаад гишүүд ТББ-ын ажлыг давхар хашиж болохоор болгосон. Энэ эрх ашгийн зөрчил үүсгэсэн зохицуулалт. УИХ төсөв баталдаг. Зарим ТББ төсвийн хөрөнгөнөөс зарцуулах эрхтэй байдаг. Төсвөө өөрсдөө баталчихаад өөрсдөө зарцуулна гэсэн үг. Энэ бол маш том ашиг сонирхлын зөрчил. Өмнөх жилийн байдлаар энэ УИХ-ын гишүүд нийтдээ 300 гаруй ТББ-д ажилладаг гэсэн судалгааг Улсын бүртгэлийн ерөнхий газраас гарсан байна лээ. Үүнийг хориглох заалтыг энэ төсөлд оруулж болох уу?
Х.БУЛГАНТУЯА: Миний хувьд үүн дээр татгалзах зүйл алга. Ер нь ашиг сонирхлын асуудлыг ганцхан ТББ дээр ярихгүй. Харилцан хамааралтай этгээд, гэр бүлийн хүмүүсийнх нь бизнестэй холбоотой асуудлаар шийдвэр гаргахад оролцдоггүй, тэр чиглэлээр хууль санаачилдаггүй байх ёстой.
САЙХАН МЭДЭЭ: Хогийн цэгийг хүүхдийн тоглоомын талбай болгон өөрчилжээ
“Лантуун дохио” ТББ-ын залуус хогийн цэг байсан газрыг нэгхэн сарын дотор өөрчилж, хүүхдийн тоглоомын талбай болгожээ.
Энэ талаар тус ТББ-ын тэргүүн Ч.Ганжавхлан цахим хуудаснаа ” Ганцхан сарын өмнө энэ талбай хогийн цэг байжээ. Залуусаараа үнэхээр бахархаж байна аа. Бүх төсөв нь хаягдал гялгар уутаар боссон. Давхар хог хаягдлын боловсрол олон хүнд өгсөн ” гэжээ.
Домогт амгалан төрийн ажнай шарга тэнгэрийн хүлэг болжээ
Монголын цуут хурдан ажнай Шарга азарга “Тэнгэрийн хүлэг” болжээ.
1998 оны Адууны ивээл Шороон барс жилийн хаврын сард Төв аймгийн Сэргэлэн сумын нутаг Гурван хадтайд мэндэлсэн Домогт хүлэг ийнхүү 24 насандаа тэнгэрийн хүлэг болсон байна.
Монгол төрийн их баяр наадамд зургаан удаа түрүүлж, хоёр айрагдан, шигшмэл морьдын “Их хурд” уралдаанд нэг түрүүлж, нэг аман хүзүүдэн, бүсийн наадамд гурав түрүүлж, нэг айрагдсан домог мэт гайхалтай хурдан хүлэг байсан билээ.
.
