Серби улсад зохион байгуулагдах Боксын ДАШТ удахгүй болно.
Тэгвэл Киргизстан улсаас МУГТ Э.Цэндбаатарыг ДАШТ-д өөрийн орны нэрийн өмнөөс тоглох санал тавьсан талаар бид өмнө нь мэдээлсэн.
МУГТ Э.Цэндбаатар: Надад Киргизстан улсаас санал ирсэн. Би огт хүлээн зөвшөөрөөгүй. Би одоо мэргэжлийн бокст албан ёсоор орсноо мэдэгдэж байна. Монголынхоо нэрийн өмнөөс дэлхийн дэвжээнд гарна. Ирэх арваннэгдүгээр сард Москвад анхны тулаанаа хийнэ. Түмнийхээ итгэлийг алдахгүйн тулд улам хичээнээ” гэв.
Х.Баттулга сүүлийн 15 жил өөрөө удирдаж буй ТББ-аа “Улсын баатар цол”-оор шагнажээ
Өдгөө Ерөнхий сайд Л.Оюун-Эрдэнийн зөвлөхөөр ажиллаж буй Х.Баттулга Ерөнхийлөгчийн албан тушаалаасаа буудаг өдөр /2021.06.25/-өө Монголын Ардчилсан холбоо /МоАХ/ ТББ-ийг “Монгол Улсын баатар” цолоор шагнасан.
Монголын Ардчилсан Холбоо нь 1989 оны ардчилсан хувьсгалыг удирдан зохион байгуулсан улс төрийн хөдөлгөөн бөгөөд ерөнхий зохицуулагчаар нь анх С.Зориг, Ц.Элбэгдорж нарын хүмүүс ажиллаж байж.
Харин тус холбоог 2006 оноос эхлэн өнөөдрийг хүртэл Х.Баттулга удирдаж байгаа аж.Тодруулбал, тэрээр Ерөнхийлөгчийн албан тушаалыг хашиж байхдаа ч МоАХ ТББ-ыг удирдаж, энэ хугацаандаа “МАНАН дэглэмийн эсрэг жагсаал” зэрэг улс төрийн жагсаалд тус холбооны гишүүдийг нь оролцуулж байсан гэдэг. Тухайлбал, сүүлд “Ерөнхийлөгч Х.Баттулга МОАХ-ны гишүүдийг 50 мянган төгрөгийн төлбөртэй жагсаалд бэлтгэж байна” гэх мэдээлэл ч зарим хэвлэлд гарч байв.
Тэгвэл Улсын бүртгэлийн ерөнхий газрын мэдээллээс харвал, МоАХ ТББ-ын хувьцаа эзэмшигч, итгэмжлэлгүйгээр төлөөлөх эрх бүхий хүнээр дан ганц Х.Баттулгыг бүртгэжээ. Товчхондоо, Х.Баттулга сүүлийн 15 жилийн хугацаанд өөрөө удирдаж буй тус холбоог “Монгол Улсын баатар” цолоор шагнасан гэсэн үг юм.
Тус ТББ нь Сүхбаатар дүүрэгт байрладаг өөрийн гэсэн хоёр давхар байртай төдийгүй,хэрэвзээ тус холбоог Х.Баттулга удирдаагүй бол өдийд АН тус байранд байрлаж, намын гишүүдийнхээ байраар тэнүүчилж явахгүй байсан гэж тус намын зарим гишүүд үздэг байна.
Эх сурвалж: isee.mn
