Ирэх оны төсвийн талаар Сангийн сайд Б.Жавхлан танилцууллаа. Энэ үеэр тэрбээр хүүхдийн мөнгийг хадгаламж хэлбэрээр олгох талаар мэдээлэл дэлгэрэнгүй мэдээлэл өгсөн юм.
Энэ үеэр “Улсын хэмжээнд 18 нас хүрээгүй 5,000 ээж хүүхдийн мөнгө авч байна.
Улсаас олгож буй хүүхдийн мөнгөний 30 хувь хадгаламжид, 30 хувь нь зориулалтын бусаар, 30 хувь нь зохистойгоор зарцуулагддаг” гэсэн судалгаа байгааг дурдав.
Koвидын эсрэг вакцины сэргээх тунгийн тухай ТАНЫ МЭДЭХ ЁСТОЙ 5 ЗҮЙЛ
- Дархлаа сэргээх нэмэлт /бүүстэр/ тунг хэн хийлгэх ёстой вэ?
Эрүүл мэндийн сайдын А/564 дугаар тушаалаар kopoнaвиpycийн эсрэг вакцины гурав дахь тун буюу дархлаа сэргээх нэмэлт тунд 18 ба түүнээс дээш насны иргэдийг сайн дурын үндсэн дээр хамрагдах боломжоор хангаж байна. Иргэн та kopoнaвиpycийн нэг, хоёрдугаар тундаа хамрагдаад гурав ба түүнээс дээш сар болсон бол вакцины гурав дахь тундаа хамрагдах боломжтой.
- Коронавирусээр өвчилсөн бол гурав дахь тунг хийлгэх шаардлагатай юу?
Хэрвээ та вакцины нэгдүгээр тунд хамрагдаад kopoнaвиpycийн халдвар авч өвчилсөн бол эдгэснээс хойш 21 хоногийн дараа хоёр дахь тунд хамрагдах боломжтой. Харин хоёр тунд бүрэн хамрагдаад халдвар авсан тохиолдолд гурав дахь тунг одоогоор зөвлөхгүй байгааг анхаарна уу.
- Вакцины гурав дахь тунд хамрагдахын тулд хаана хандах вэ?
Вакцины гурав дахь тунд хамрагдахын тулд та харьяа аймаг, дүүргийнхээ дархлаажуулалтын цэгүүдээр хийлгэнэ. Та Улаанбаатар хотод амьдарч байгаа бол гэрийнхээ ойролцоо вакцины цэгүүдийн мэдээллийг тогтмол УОК-ын Шуурхай штаб хаягнаас, “Нийслэлийн мэдээ” пэйж хуудаснаас авна уу. Хэрвээ орон нутагт амьдарч байгаа бол аймаг, орон нутгийнхаа эрүүл мэндийн байгууллагуудад хандан вакциндаа хамрагдах боломжтой. Мөн 119 дугаар руу залгаж хаяг, байршлын мэдээллийг авч болно.
- Ямар вакцин хийлгэх вэ. Вакцин хольж хийлгэх боломжтой юу?
Нэмэлт тунг та хийлгэхдээ Монгол Улсад байгаа Комирнети (Файзер) болон Вероцелл (Синофарм) вакцины аль нэгээс сонголтоор хийлгэж болно. Мөн вакцины цэгүүдэд байрлах эмчид үзүүлэхдээ хоёр төрлийн вакцины алийг нь сонгож тариулах талаараа зөвлөлдөх боломжтой.
- Гурав дахь тунг хийлгэснээр үнэхээр үр дүнтэй юү?
Тодорхой хугацааны дараа дархлал сэргээх нэмэлт тун хийснээр та дархлаагаа илүү урт удаан хугацаанд хамгаалах боломжтой болж байгааг олон улсад болон Монгол Улсад хийсэн судалгааны үр дүнгүүд харуулж байна. Монгол Улсад вакцины дархлаа сэргээх нэмэлт тунд хамрагдсан хүн амд хийсэн судалгаагаар гурав дахь тунд хамрагдсанаас хойш 14 хоногийн дараа 0.1 хувь нь л халдварт өртсөн бөгөөд энэ нь вакцины нэмэлт тун өндөр үр дүнтэйг харуулж байна.
Эх сурвалж: ЭРҮҮЛ МЭНДИЙН ЯАМ
