Монгол Улсын хэмжээнд өдөрт 10 гэр бүл гэрлэлтээ цуцлуулдаг гэсэн судалгаа байдаг бол 40 хос гэрлэлтээ бүртгүүлдэг байна. Гэрлэлтээ бүртгүүлж буй нас 20-29 насныхан 72 хувийг эзэлж байгаа бөгөөд гэр бүл цуцлалтын тоо энэ байдлаар үргэлжилбэл өдөрт гэр бүлээ батлуулж буй 40 хосын 10 нь салах эрсдэлтэйг тоо баримт харуулж байгаа юм.
Харин эдгээр гэр бүл салалтын тоог нэмж байгаа хүмүүс бол урлаг, соёлыхон гэхэд хилсдэхгүй. Салбар
дундаа нэгээс нь салж, нөгөөтэй нь хайрын романс үүсгэж бусдын гэр бүлийг салгаж, бусдаар гэр бүлээ бусниулсан олны танил хүмүүстэй танилцъя.
Жүжигчин: Янжиндулам
Тэрээр МАХН-ын дарга, МУ-ын ерөнхийлөгч асан Намбарын Энхбаярын хүү Батшугартай нэр холбогдож тэдний амьдралыг бусниулсан юм. Үүний дараа МУГЖ И.Одончимэгийн охин Номууны нөхөртэй учир ургуулснаар хоёр ч гэр бүлийг салгасан түүхтэй. Янжиндулам өдгөө ганц бие хэдий ч хэвлэлүүд түүнийг Э.Батшугартай одоог хүртэл холбож бичсээр байдаг билээ.
Ерөнхий сайд асан Сү.Батболдын гэргий Х.Отгонтуяа
Ерөнхий сайд асан, Монголдоо толгой цохих улс төрч хэмээн нэрлэгддэг Сү.Батболдын одоогийн гэргийн Х.Отгонтуяа, болон түүний хүү Б.Баттүшигийг мэдэхгүй хүн үгүй. Тэгвэл Б.Баттүшиг нь Х.Отгонтуяагийн хүүхэд биш бөгөөд Сү.Батболдын анхны гэргий Баттуяагаас гарсан хүү юм. Баттуяагийн хувьд идэр залуу насандаа буюу хүүгээ гурван настай байхад нь нөхөр Сү.Батболдоосоо салах шийдвэрийг гаргаж байжээ. Учир нь тухайн үед түүний нөхөр одоогийн эхнэр Х.Отгонтуяадаа ухаангүй дурласан байсан учир нөхрийнхөө гэр бүлээс гадуурхи харилцааг нь уучилж чадалгүй салах шийдвэрийг гаргасан гэнэ. Үүнээс хойш Баттуяа өөр ямар нэгэн хүнтэй амьдрал зохиогоогүй бөгөөд хүү Б.Баттүшигтэйгээ ойр ойрхон уулзаж, хүүгээ түшиж амьдардаг гэнэ.
Өдгөө Сү.Батболд хаа л явна тэнд нь хамтдаа явж байдаг эрхэм хатагтай Х.Отгонтуяаг гэр бүл салгаж суусан гэх яриа мэр сэр гардаг ч түүнээс илүүтэй нь нөхөртэйгээ зочид буудалд байх үедээ эхнэр Баттуяад нь “Танай нөхөр чинь нууц амрагтайгаа буудалд байна, Ирээд шалга” хэмээн мэдэгдэж түүнээс хойш Сү-г гэр бүлээс нь эргэлт буцалтгүй салгаж суусан тухай яриа хаа газар л яригддаг. Элдэв цуу яриа нэгэнт тархсан бол хэзээ хойно байсан хамаагүй яригдаж байдгийн нэг тод жишээ нь тэдний гэр бүлийн энэхүү адармаатай хайрын тухай жиргээчид одоо ч твиттерт жиргэсээр байгаа юм. Харин анхны эхнэр Баттуяаг тэр бүр хүмүүс мэддэггүй учир Х.Отгонтуяа, Сү.Батболд нарын хайрын романс хэрхэн эхэлж байсан тухай хэвлэлүүд ихээхэн бичдэг. Hiub.mn гэх сайтад тэдний анх танилцаж байсан романтик түүхийг ийнхүү бичжээ: Ерөнхий сайд асан, УИХ-ын гишүүн С.Батболд гэргий Х.Отгонтуяатайгаа 1992 онд Гадаад худалдааны “Монголимпэкс” нэгдэлд ажиллаж байх үедээ учирчээ.
Тэрбээр эхнэрээ гадаа явж байхад нь анх олж харсан гэдэг. Нэг удаа ажлаа тараад “Ялалт” одоогийн “Тэнгис” кинотеатрын зүүн талд байрлах талбайгаар алхаж явахдаа мөнөөх бүсгүйтэй дахин таарчээ.Тэр үед Х.Отгонтуяа Лениний музейн хойд талын орон сууцанд амьдардаг эгчийндээ очихоор явж байсан аж. Тааралдах тоолонд өөрийг нь нэг л ойшоолгүй өнгөрөх бүсгүйтэй хэрхэн танилцах учраа нэг хэсэгтээ л олохгүй явсан түүнд аз таарчээ.
Түүний ажилладаг “Монголимпэкс” тухайн үед “өндөр яам” хэмээн нэрлэгддэг олон давхарт байрладаг байсан бөгөөд өөр давхарт ажилтай Ч.Гантуяа өнөөх бүсгүйг нь сайн таньдаг байсан нь аз болж. Ч.Гантуяа Х.Отгонтуяатай хүүхэд байхаас нөхөрлөсөн ойр дотны найз нь. Тэд сайхан нөхөрлөдөг төдийгүй хамтдаа балетийн хичээлд явдаг болохыг С.Батболд мэдсэн даруйдаа найзынх нь утасны дугаарыг Ч.Гантуяагаас асуужээ. Харин Ч.Гантуяа утасны дугаарыг нь өгч болох эсэхийг Отгоо найзаасаа асуухад дургүйцэж татгалзсан хариу өгчээ.
С.Батболд “өндөр яам”-ны танилаа удтал ээрч байж мөнөөх бүсгүйн утасны дугаарыг арай гэж авснаар тэдний хооронд харилцаа үүсэх сэжим бий болсон ч эр хүний 13 мэх хэрэглэн Отгоогийнхоо араас гүйсний эцэст арайхийн гэрлэх зөвшөөрөл сонссон гэдэг.
Жүжигчин Б.Мишээл
Тэрээр жүжигчний карьераа эхлээд удаагүй байхдаа хөтлөгч Анхбаяртай хэсэг хугацаанд үерхсэн ч удалгүй нэгэн эгэл даруу бизнесмен залуутай сүр дуулиантайгаар хуримаа хийсэн билээ. Гэвч хосуудын амьдрал удаан үргэлжилсэнгүй. Бизнесмен залуугаасаа салсан гэх мэдээлэл гараад удалгүй тэрээр өөрийн сошиал хаягаар дамжуулан улс төрч залуу Д.Ихбаяртай хамтран амьдарч буйгаа зарласан. Б.Мишээл Д.Ихбаяртай учрахаас өмнө ганц бие ээжийн амьдралаар хэсэг хугацаанд амьдарсан бөгөөд энэ хугацаанд Маск продакшны залуу жүжигчин Бидо буюу Бямбадоржтой нэр холбогдож гэр бүлээс нь салгасан тухай түүний эхнэр Ариука нь өөрийн сошиал хаягаар дамжуулан мэдэгдсэн билээ.
“Пантастик” продакшны найруулагч, жүжигчин Б.Тамир
Тэрээр жүжигчин Б.Золзаяатай анхны амьдралаа холбож дундаасаа хөөрхөн охинтой болсон ч удалгүй жүжигчин Н.Мөнхсоёлтой холбогдож гэр бүлээ орхисон юм. Тэдний харилцаа ч мөн адил удаан үргэлжлээгүй бөгөөд удалгүй загвар өмсөгч Номин гэх бүсгүйтэй учир ургуулсан юм. Үүний дараа дахин нэг шуум гарсан нь тэрээр Номингоос харилцаагаа тасалж “Хувьсал” продакшнаар овоглосон жүжигчин Ганчимэгтэй хамтран амьдарч байгаа тухай юм.
Хосууд харилцаагаа олон нийтээс нууцалж байгаа бөгөөд Б.Тамир анхны эхнэр Золзаяагаас гарсан охиноо үе үе өөр дээрээ авч холбоотой байдаг гэнэ.
Дуучин Г.Ариунбаатар
Г.Ариунбаатар 10 жилээ төгсмөгц нэг сургуулийн найз охиноо жирэмслүүлж залуухнаараа аав хэмээх алдрыг хүртэж байв. Гэвч тэр бүсгүйтэйгээ гэрлэлгүй Туяа гэх бүсгүйтэй сүр дуулиантай хуримаа хийсэн юм. Хурим болсноос хойш жил ч хүрээгүй байхад дуурийн дуучин Д.Отгонжаргалтай нэр холбогдож эхнэр нь тэдний явдлыг олон нийтэд зарлаж байв. Д.Отгонжаргал, Г.Ариунбаатар нарын харилцаа ч амьдрал болсонгүй харин дуучин залууг эхнэрээс нь салгаж чадсан билээ. Үүний дараа Ариунбаатар жүжигчин Баярмаатай учир ургуулж хосууд хамтран амьдрах болжээ. Баярмаа нөхрөө шоронд хоригдож байх зуур ийнхүү Ариунбаатартай хайр сэтгэлийн холбоотой болсноор тэдний харилцаа дууссан юм. Баярмаа анхны нөхрөөсөө гурван охинтой. Харин Ариунбаатартай нийлснээр дахин 2 хүү төрүүлж тэд 7 хүүхдийн эцэг эх гэж албан ёсоор дуудуулах болжээ.
Жүжигчин Э.Намуун
Мөрөөдлийн театрын захирал, жүжигчин Г.Эрхэмбаяр өөрийн дөрвөн хүүхэд эхнэрээ хаяж, жүжигчин Э.Намуунтай амьдралаа холбоод багагүй хугацааг үджээ. Э.Намуун мөн анхны амьдралаасаа хоёр хүүхэдтэй. Тэд хоёр талаасаа хэн хэн нь хоёр хүүхэдтэй амьдралаа босгосон боловч Г.Эрхэмбаярын нэг хүүхэд нь ээж рүүгээ эргэн буцсан байна лээ. Учир мэдэх хүмүүсийн хэлж буйгаар Г.Эрхэмбаяр Э.Намуун нар харилцаагаа олонд зарладаг тэр жилийн
цагаан сараар “Хамтлагийн ахтайгаа золгох гэж очив” гэсэн пост бүхий гэрэл зурагт Э.Намуун, Г.Эрхэмбаяр түүний албан ёсны гэргий нарын дүр мөнхөрсөн байдаг гэнэ лээ. Тухайн үед Г.Эрхэмбаярын гэргий нөхрийнхөө “явалддаг” бүсгүйг мэдээгүй л гэртээ оруулж, золголт хийсэн байхдаа гэх бодол олон хүнд төрүүлж байв. Ямартаа ч, өнгөрсөн хугацаанд Э.Намуун айхтар бүсгүй гэдгээ харуулж Г.Эрхэмбаяр болон хүүхдүүдтэйгээ шинэ байранд нүүн орсон. Өөрийнхөө хүүг өндөр төлбөртэй сургуульд өгсөн бол Г.Эрхэмбаярын охиныг ардын сургуульд явуулдаг гэж ойр хавийнхан нь шивэр авир хийх юм билээ.
МҮОНРТ-ын нүүр царай, хөтлөгч Н.Ундрал
Их засаг сургуулийн захирал Н.Ням-Осорын охин, УИХ-ын гишүүн Н.Учралын дүү гэдгээр нь хүмүүс түүнийг андахгүй. Тэрээр загвар өмсөгч Чингүүн гэх залуутай амьдралаа эхлүүлээд багагүй хугацааг үдэж байна. Чингүүн өмнө нь мисс Содтуяатай амьдрал зохиож хөөрхөн охинтой болсон байсан ч ийнхүү тэднийгээ баян айлын өв залгамжлагч охиноор сольсон юм. Тиймдээ ч Чингүүн өдгөө хадам аавынхаа хаялаган доор хэд хэдэн компаний захирал хийдэг гэнэ.
“Киви” хамтлагийн хүүхдүүд
Киви хамтлагийн гишүүн гэдгээр олонд танигдсан Халиун, Ука нар одоогийн хань ижил эр нөхрүүдээ бусдаас булааж суусан гэдэг. Тэдний туршлагыг тус хамтлагийн дуучин Агий хэрэгжүүлэх гээд тусыг эс олж, өдгөө сэтгэлзүйчийн хяналтад байдаг гэсэн. Дуучин Агий УИХ-ын гишүүн асан, МАК-ын том өв залгамжлагч Н.Номтойбаярыг эхнэр Мандухайгаас нь салгах хүртэл нь амраглаж, гурван жил явсан ч эцэст нь өөрөөсөө насаар залуу зүсээр гоо Намуун гэх бүсгүйд алдсан. Агийгаас болж Мандухай бүсгүй Номтойбаярын албан ёсны гэргий байхаа больсон. Анх Кивигээр танигдсан дуучин бол Халиун. Нөхөртөө гурван хүү төрүүлэн өгч, хадамдаа дархан бэр болсон тэрээр нөхрөө анхны амьдралаас нь салгаж суусан гэдэг. Түүний нөхөр дуучин О.Анхаа гурван жил хамт амьдарсан тогоон чинээ том гэдэстэй эхнэрээ хаяж Халиунтай суусан байдаг. Кивигийн гэхээсээ илүү дуучин Ука гэж өөрийгөө тодорхойлж яваа Д.Уламбаяр бүсгүй өөрийнхөө нөхрийг хоёрхон жилийн өмнө олноо ил гаргасан. Англид боловсрол эзэмшсэн хууз сахалтай нөхөртөө дуучин бүсгүй хоёр хүүхэд төрүүлж өгсөн. Харин эх сурвалжуудын мэдээллээр түүний нөхөр Чука өмнө нь амьдралтай байсан бөгөөд Укатай танилцаад гэр бүлээ
цуцлуулсан гэдэг. Чука Укагийн сайн найз гэгддэг дизайнер Катя Золын үеэл дүү гэнэ.
Хөтлөгч П.Анужин
Монгол тулгатны 100 эрхэм нэвтрүүлгийг хөтөлж анх олонд танигдаж тэр хэрээрээ олноос хайр хүндэтгэлийг хүлээгээд байсан хөтлөгч П.Анужин тус нэвтрүүлгийн найруулагч, жүжигчин Ундралын нөхөр А.Баатартай явалдсан нь нийтэд ил болж нэр төрөө шалаар нэг хутгасан. Сүүлд Буянгийн Жаргалсайхан түүнийг дөрвөн өөр хүний хүүхэд төрүүлсэн завхай эм хэмээн шүүмжлээд амжсан билээ. Харин энэ бүх шуугианаас холдож нам жим амьдархыг илүүд үзсэн П.Анужин Минт баарны захирал Э.Нандинзүрхтэй хамтран амьдарч хоёр ч хүүхдийг нь төрүүлсэн гэдэг.
Эх сурвалж: untsug.com
