Улсын их хурлын гишүүн асан, Эрүүл мэндийн сайд асан, хүний их эмч Л.Гүндалай 9 сарын 19-ний өдөр өөрийн фэйсбүүк хуудсаар лайв хийхдээ “Kopoнaвиpycын эсрэг маш үр дүнтэй, Япон Солонгосын явуулсан судалгаагаар батлагдсан ‘Laennec’ хүний эхэсийн тарилгыг та бүхэн хийлгээрэй. Би энэ тариаг эхнэртэйгээ хамт 10 жил хийлгэж байна. Миний эргэн тойрны олон хүн kopoнaвирycээp өвчилсөн. Тэр хүмүүст энэ тариаг хийхэд бүгд хөл дээрээ боссон. Нэг капсул нь 40,000 төгрөг, нийт 1,800,000 төгрөгийн үнэтэй зарагдаж байна. Давхар kopoнaвирycээс урьдчилан сэргийлэх үйлчилгээ ч үзүүлнэ” гэх агуулгатай зүйл ярьсан юм.
Энэ эмийн талаар ЭМЯ-аас тодруулахад: “Laennec” гэх энэ эмийг Kopoнaвиpycын эмчилгээнд ДЭМБ болон ЭМЯ зөвшөөрөөгүй. Хүний эхэсийн тарилга учраас агууламжид нь амин хүчил, өсөлтийн факторууд (элэгний өсөлтийн фактор), бусад физиологийн идэвхт бодисууд агуулсан тариа юм. Хэрэглээ нь зөвхөн арьс гоо сайхан, элэгний өвчний үед л хэрэглэх ёстой. Мөн FDA буюу АНУ-ын Хүнс эмийн агентлаг ч хүлээн зөвшөөрөөгүй” гэсэн юм.
Дэлхий нийтээр цар тахалтай нүүр тулж, олон хүний амийг авч байгаа өвчнөөр далимдуулж хүний их эмч мэргэжилтэй, эрүүл мэндийн салбарыг толгойлж байсан хүн ДЭМБ зэрэг мэргэжлийн байгууллагуудын хүлээн зөвшөөрөөгүй, гоо сайхны тариаг дур мэдэн Kopoнaвиpycын эмчилгээнд зөвлөж, өндөр үнээр зарж, борлуулж байгаа нь тухайн хүний ёс зүйг харуулж байгаа юм. Энэ асуудлыг хууль хяналтын холбогдох байгууллагууд шалгана уу.
Эх сурвалж: Tsahiur.mn
