Удаан хугацаанд нам жим байсан алдарт дуучин Аделийн гадаад дүр төрх, төгс бие галбирын өөрчлөлтийн талаар дэлхий нийтээр шуугьж, олон сая бүсгүйд урам зориг өгсөөр байна. Дуучин Аделийн энэхүү өөрчлөлт олон сая фэнүүдийнх нь сонирхлыг татах болсон.
Тэрээр өнгөрсөн бямба гаригт болсон NBC телевизийн “Night live” шоуны үеэр жингээ хэрхэн хассан талаар хэлэхдээ “Та бүхэн намайг сүүлд харснаас хойш маш өөр харагдаж байгааг би мэдэж байна. Цар тахал дэгдсэнтэй холботойгоор хүмүүсийг гадуур аялахыг хориглосон ч би хөнгөн алхалт, аяллаа тасралтгүй хийсээр байсан” хэмээн ярьжээ. Тэрээр жингээ хасаж, төгс бие галбиртай болоход тусалсан чухал дэглэмийн нэг нь гадуур алхаж, байгалийн сайхнаар аялах байсан гэжээ.
Түүний хувийн дасгалжуулагч Пит Герасимо дуучин Аделийн өөрчлөлтийн талаар өөрийн цахим хуудсандаа “Миний итгэл үнэмшил бол түүнийг бусдад сайхан харагдахын тулд биш, өөрийнхөө болон гэр бүлийнхээ төлөө хичээж, жингээ амжилттай хасаж байгааг харах явдал” гэжээ.
Ингээд алдарт дуучин Адель өөртөө итгэх итгэл хийгээд гадаад төрхөндөө анхаарч, өөрийгөө хайрлах долоон нууцаа хуваалцсаныг хүргэж байна. Үүнд:
- Бүх зүйлийг өөрийнхөө төлөө хий. Дуучин Адель болон түүний дасгалжуулагчийн гол зорилго нь супер туранхай болох биш зөвхөн эрүүл биетэй болохын хөдөлгөөн, зөв зохистой хоололтыг илүүд үзсэн байна. Тэрээр 13 сарын маш хатуу дэглэм барьж, илүүдэл жингээ хаяж чаджээ.
- Шинэлэг хэрэгсэл ашиглах. Аделийн фитнессийн дэглэмд тусгай машин болон шинэчлэгч палат ашигладаг. Энэ нь биеийн уян хатан байдлыг нэмэгдүүлж, эрч хүчтэй болгодог байна.
- Дуртай зүйлээ хийж, түүнийхээ үр шимийг хүрт. Дасгал хийхэд хүн бүр дуртай байдаггүй. Гэсэн хэдий ч алдарт дуучны хувьд дасгал бол жингээ хаяхад тусалсан шилдэг аргуудын нэг гэдгийг ойлгож, хамгийн гол нь түүндээ дурлаж хийдэг байжээ.
- Үр дүнтэй дасгал хий. Түүний хувьд сургагч багш Далтон Вонгтой хамт дасгал хийдэг. Мэргэжлийн хүний удирдлага дор өндөр ачаалал бүхий дасгал хийх нь эрч хүч өгч, кардио дасгалууд жингээ хаяхад нь тусалжээ. Мөн тэрээр сунгалт сайжруулж, биеийн цөм хэсэг (core) буюу хэвлий, нурууны булчинг чангаруулдаг пилатизаар хичээллэж байна.
- Бие махбодтойгоо сайхан харилцааг бий болго. Дуучин Аделийн хувьд өөрийгөө хайрлах тал дээр Гленнон Дойл Мелтоны зохиосон “Untamed: Stop Pleasing, Start Living” номыг уншихыг зөвлөжээ. Тэрээр энэхүү номыг уншсанаар маш их стрессээс ангижирч анх удаагаа өөрийн биедээ талархаж эхэлсэн гэсэн байна.
- Чихэрлэг зүйлс, сахарын хэрэглээгээ хязгаарлах. Хоол хүнсэндээ хэт их сахар хэрэглэх нь жин нэмэх, ядрах, эрч хүч дутагдахад хүргэдэг. Иймээс эрүүл хооллолтыг эрхэмлэдэг байна.
- Шүүмжлэгчдийг үл тоо. 2017 онд түүнийг цахим хуудсанд Шрекийн эхнэр Фионатай адилхан гэж бичсэн байжээ. Гэсэн ч тэр энэ бүгдийг тоолгүй шаргуу хичээсний үр дүнд өөрчлөгдөж чадсан юм.
