Нийслэлийн Зам, тээврийн асуудал хариуцсан төслүүдийн удирдагч Б.Одсүрэн нийтийн тээврийн хэрэгслийн гадна талд байрлуулсан зарим сурталчилгааны зургийг хуулуулж байгаа тухайгаа бичиж, нийгмийн сүлжээнд өндрөө авсан юм.
Тус сурталчилгаа нь нийгмийн цөөнх буюу “ЛГБТ” төвийн өдөрлөгийн танилцуулга байсан юм.
Тэрбээр ингэх болсон шалтгаанаа хүүхдийн тоглоомтой холбон тайлбарласан байна. Тодруулбал, сүүлийн үед багачуудын сонирхох болсон стресс тайлагдаж тоглоомын өнгө нь ижил хүйстнүүдийн билэгдэлтэй ижил учир ийм алхам хийсэн гэсэн юм.
Тэгвэл Хүний эрхийн үндэсний комиссоос /ХЭҮК/ есдүгээр сарын 16-нд нийслэлийн Засаг даргын орлогч Б.Одсүрэнг бэ лгийн цөөнх иргэдийг я лга варлан гад уурхсан үйлдэлдээ уучлалт гуйхыг шаардсан бичгийг нийслэлийн Засаг дарга Д.Сумъяабазарт илгээжээ.
Тус шаардлагад: “ЛГБТ Төв” Төрийн бус байгууллагаас /ТББ/ “Тэгш эрх, бахархлын өдрүүд кампанит ажлын хүрээнд Улаанбаатар хотын 18 чиглэлийн 18 автобусанд зохих журмын дагуу төлбөр төлж, сурталчилгааны материал байршуулжээ. Гэтэл нийслэлийн Засаг даргын орлогч Б.Одсүрэн автобусанд тавигдсан сурталчилгааны материалыг буулгуулж, энэ талаараа “Хүүхдэдээ ийм тоглоом авч өгсөн байсан юм.
Гэтэл ижил хүйсийг дэмжсэн, өдөөсөн өнгө, лого, туг, яриа байдгийг олж мэдлээ. Онцгүй сэтгэгдэл төрлөө, тоглоомыг хогийн саванд хийсэн, мөн нийтийн тээвэрт мөнгө төлж, рекламаа тавиулсан байсныг нь бас хуулууллаа” гэж өөрийн цахим хуудаснаа бичиж, гэрэл зургийн хамт нийтэлжээ. Энэ үйлдэл нь ЛГБТИК хүмүүсийг я лгав арлан га дуурхсан, Монгол Улсын Үндсэн хуульд заасан хүний я лгав арлан га дуур халтаас ангид байх, халдашгүй чөлөөтэй байх, үзэл бодлоо чөлөөтэй илэрхийлэх, үг хэлэх, хэвлэн нийтлэх эрхийг но цтой зө рчсөн” гэх мэдээллийг Комисст гаргаж, зө рчигдсөн хүний эрх, эрх чөлөөг сэргээж өгөхийг хүссэн байна. Мөн “ЛГБТ Төв” ТББ-аас энэ талаараа цагдаагийн байгууллагад гомдол гаргасан гэжээ.
