Жил бүр өмнөд туйл дээгүүр үүсдэг озоны цоорхой энэ жил талбайгаараа Антарктидаас том хэмжээтэй болсон талаар Европын холбооны Коперникүсын агаар мандал хянах албаны эрдэмтэд мэдээлжээ.
Озоны давхарга нь дэлхийгээс 9-22 милийн зайд оршдог бөгөөд дэлхийг хэт ягаан туяанаас хамгаалдаг гэдгээрээ онцлог юм. Харин сүүлийн жилүүдэд хүн төрөлхтний буруутай үйл ажиллагаанаас болж нимгэрч, цоорох болсон.
Озоны давхарга жил бүрийн наймдугаар сараас аравдугаар сарын хооронд цоорч, тэгэхдээ есдүгээр сарын дунд үед хамгийн том хэмжээндээ хүрдэг бөгөөд арван хоёрдугаар сараас аажмаар өөрөө нөхөгддөг байна. Гэсэн хэдий ч энэ жилийн хувьд ихээхэн томорсон байгаа нь 1979 оноос хойш тооцсон дундаж хэмжээнээс 75 хувиар илүү байгаа аж. Иймд нөхөх болон илүү том цоолохгүй байх тал дээр олон улсын эрдэмтэд анхаарч, ажиллаж байгаа гэжээ.
Эх сурвалж: CNN
Н.Батсуурь даян аварга, М.Бадарч улсын гарьд, Ц.Одбаяр, улсын заан, Б.Цэдэнсодном улсын харцага боллоо
Монгол Улсын Ерөнхийлөгч У.Хүрэлсүх 2019 оны улсын наадамд түрүүлж, улсын аварга болсон Э.Оюунболдын аварга цолыг хураасан билээ.
Ингэснээр түүнд өвдөг шороодсон:
-Увс аймгийн Ховд сумын харьяат, “Увс нуур” дэвжээний бөх, улсын аварга Н.Батсуурь даян аварга
Архангай аймгийн Цэнхэр сумын харьяат бөх, улсын заан М.Бадарч улсын гарьд
Дорнод аймгийн Дашбалбар сумын харьяат, улсын харцага Д.Анар улсын заан
-Өвөрхангай аймгийн Зүүнбаян-Улаан сумын харьяат бөх, улсын начин Б.Цэдэнсодном улсын харцага боллоо.
Мөн түүнд наймын даваанд өвдөг шороодсон Хөвсгөл аймгийн Тосонцэнгэл сумын харьяат бөх, улсын арслан Ц.Содномдоржид “Үлэмж бадрах” чимэг олгох нь тодорхой болов.
Мөн Өмнөговь аймгийн Ханхонгор сумын харьяат “Говийн хүчтэн” бөхийн дэвжээ, “Ажнай корпорац”-ын бөх Монгол Улсын Харцага Ц.Одбаяр улсын заан цол олгохоор болжээ.
Улсын начин Ц.Мөнхбаяр, Ш.Пүрэвгарьд, Б.Орхонбаяр нар улсын харцага, аймгийн арслан Ц.Сандагдорж улсын начин боллоо.
