УИХ-ын чуулганы хуралдаанаар Засгийн газрын гишүүнд нэр дэвшигчдийг танилцуулсан. Яг одоо гишүүд нэр дэвшигчдээс асуулт асууж, үг хэлж байна.
Энэ үеэр Б.Пүрэвдорж гишүүн хэлэхдээ, “Томилогдож буй сайдуудаас хамгийн асуудалтай нь Х.Нямбаатар сайд. Хөөн хэлэлцэх хугацааг өөрчилсөн. Дараа нь засаж залрууллаа л гэсэн. Зассан зүйл ч алга. Мөн Зөрчлийн хуулиар 1.4 сая иргэн 500 тэрбумаар торгуулсан байна. Хүний тоонд хуваахад өлгийтэй хүүхэд хүртэл торгуулчхаад байна. Та нараас торгууль аваад, буцаагаад сонгуулийн мөнгө болгон өгч сонгогдож байгаа. Хамгийн түрүүнд Зөрчлийн хуулиа зөөллөөрэй. Хэтэрхий хатуу хууль шүү” хэмээн шүүмжиллээ.
