Манай орцонд яаг хажуу хаалганд Япон эмээ амьдардаг юм. Монголд ирээд нилээн удаж байгаа бололтой. Би ч өглөө ажил руугаа гараад орой орж ирдэг болхоор сайн мэдэхгүй..
Тэгээд ээж минь найзалдаг болохоор ярьж байсан юм, тэтгэврийнхээ бүх мөнгийг монголын ядуу болон өнчин, хэцүү амьдралтай хүүхдүүдэд зориулдаг. Бас үүгээр ч зогсохгүй, манай энэ 64-ийн гадаа хамгийн их оюутнууд цуглардаг хэсэг ба Гадаа нил тамхины иш, архи пивоны шил цуглардаг газар байгаа юм. Эмээ энэ бүгдийг өдөр болгон ӨДӨР БОЛГОН түүж цэвэрлэнэ.

Тэгээд байрны гаднах зэрлэг өвс, зүлэг ургадаг хэсгийг намайг нэг өдөр ажлаас ирж байтал ингээд хүйтэн бороонд шалба норчихсон, гараараа шороогийн ухаж байж билээ. Учир нь хөрсөнд нь наранцэцэг суулгах гэж.. Шүхрээрээ айлуудын ууттай гадаа өрчихсөн хогийг халхалчихсан (өмхийрэхээс сэргийлсэн байх) өөрөө юмаа хийгээд..
Бас манай энэ орцонд орон нутаг хөдөөнөөс ирсэн оюутнууд амьдардаг ба хогтой уутаа гадаа асгачихгүй, байнга үргэлж орцонд хаяна,тэрийг л мөн л эмээ минь асгаж байгаа харагддаг юм. Гурван давхарт амьдардаг болоод тэр үү.. Сүүлд хөл нь өвддөг, дээшээ шатаар өгсөхөд хэцүү болсон тухай ярьж билээ. Энэ байрыг ч бас авахад зарсан хүн нь юм мэдэхгүйгээр далимдуулж маш өндөр үнээр зарсан гэсэн.. Одоо манай гадаа маш гоё наранцэцэг ургадаг Дааанч нөгөө хэдэн Оркууд үргэлж энэ цэцгийн хүлэмж рүү тамхи, пивоны шилээ шидчихдэг,1 удаа бүүр 1 хүн шээж байсан гэж үү.. эмээ хөөрхий өглөө сэрээд л дахиад л ийшээ та мхи Шил хаяаад байна гээд л толгойгоо сэгсрээд цэвэрлэдэг гэсэн..
Ийм л нэг сахиусан тэнгэр шиг эмээ манай орцонд чимээгүй амьдарч суудаг юм даа.. Монголчуудаас заримдаа ичмээр шүү өмнөөс нь.
Харийн орны хүн ингэж их эх оронд минь хайртай байхад бид яагаад үлгэр жишээ авдаггүй юм бэ?! Бас нэмж хэлэхэд өөрөөс нь зөвшөөрөл авч энэ мэдээлэл бичсэн ба заавал надтай ирж танилцаж юм ярьж суух биш, надад тэгж суух цаг зав бага байдаг,тэрний оронд “Зүгээр л татсан тамхи, уусан идсэн хогоо зүлэг цэцэг рүү хаях биш хогийн саванд хийгээч ээ хүмүүс ээ” гэж эмээ хэлж байгаа шүү!!!













