Өмнөд Солонгосын хууль сахиулагчид НҮБ-ын зөвшөөрлөөр Монголын далбаатай хөлөг онгоцыг Бусаны далай орчимд саа.туул.сан талаар “NK News” мэдээллээ.
Эх сурвалжийн мэдээлснээр Өмнөд Солонгосын холбогдох байгууллага өнгөрөгч тавдугаар сарын 10-нд Монголын далбаатай “Shun Fa” хөлөг онгоцыг саа.туул.сан байна. Учир нь НҮБ-аас 2017 онд өмнө нь “Billions No. 18” гэх нэртэй байсан тус хөлөг онгоцыг Хойд Солонгос руу хууль бусаар газрын тос тээвэрлэсэн гэх шалтгаанаар хоригт оруулсан аж.
Өмнөд Солонгосын “NK News” агентлаг лхагва гаригт “Shun Fa” хөлөг онгоц Бусаны эрэг орчмоос хоёр километрийн зайд байрлаж байгаа бөгөөд Монгол Улсын далбааг баримтжуулсан байна.
Өмнөд Солонгосын Загасчлалын яамны албан ёсны мэдээлэлд Монголын далбаатай хөлөг онгоцыг чухам яагаад саа.туул.сан талаар тусгаагүй байна. Мөн тус улсын Гадаад хэргийн яамнаас энэ талаар тайлбар болон гурван сарын турш далайд саатуулагдсан хөлгийн багийн гишүүдийн эрүүл мэндийн талаар мэдээлэл өгөхөөс татгалзжээ.
Олон улсын хөлөг онгоц таних автомат систем буюу “AIS”-ийн өгөгдлийн сан дахь мэдээллээс үзэхэд “Shun Fa” хөлөг онгоц нь 2017-2019 онд буюу гурван гурван удаа саатуулагдаж, тухай бүрдээ нэрээ өөрчилж байжээ. Тодруулбал, 2017 оны арванхоёрдугаар сард анх “Billions No. 18” гэх нэрээр саатуулагдаж, нэрээ “Kingsway” болгон өөрчилсөн байна. Харин үүний дараа “Apex” гэж өөрчилж байгаад хамгийн сүүлд “Shun Fa” болгон сольжээ.
Мөн НҮБ 2017 онд “Billions No. 18” хөлөг онгоцонд хориг тогтоосны дараа Тайваний шүүх 2018 оны долдугаар сард тус хөлөг онгоцны эзэмшигч болох Чен Ших-Сян гэх хүнд хо.рих я.л оноосон байна. Гэвч тэрээр 2019 оны зургадугаар сард я.л эд.лэх хуга.цаандаа ам.иа хор.лос.он аж.
Олон улсын далайн захиргааны байгууллага буюу “IOM”-ын мэдээллийн санд байршсанаар БНХАУ-ын далайн тээврийн “Tai-zhou Zhesheng Shipping” компани хөлөг онгоцыг эзэмшиж байгаад 2018 оны долдугаар сард Белиз улсад бүртгэлтэй “Better Smart Ltd” компанид шилжүүлсэн байна. Тухайн үеэс эхлэн тус хөлөг онгоц “Apex” нэрээр Монголын далбаа эзэмших болсон аж.
Харин 2019 оны аравдугаар сард Хонконгт бүртгэлтэй компани “Shun Fa” хөлөг онгоцыг шилжүүлэн авсан бөгөөд худалдаж авахдаа НҮБ-ын хо.ригт орсон хийгээд Монголын далбаа.тай гэдгийг мэдээгүй гэжээ. Эх сурвалжийн мэдээлснээр тус хөлөг онгоц Өмнөд Солонгост саа.туу.лагдсаны дараагаар буюу өнгөрөгч зургадугаар сард Монгол Улс “Shun Fa” хөлөг онгоцонд төрийн далбааны үйлчилгээ үзүүлэхээ зогсоосон байна.
Эх сурвалж: NK News /itiom.mn/
