Наадмын дараа Намар ирдэг. Энэ үеэр зун тарьж ургуулсан ногоо тариагаа ард иргэдийн гар дээр очход бэлэн болгодог билээ. Гэвч тэдэнд тариалсан ногоогоо худалдаалах газар байхгүй. Улсаас зөвшөөрөл авч худалдаалъя гэхээр нэг асар нь 300-400 мянган төгрөгийн ханштай байгаа аж. Олсон хэдэн төгрөгөө цөмийг нь төр засагт тушаалтай биш, амьжиргаагаа залгуулъя гээд ойролцоох газрууддаа зарахаар цагдаа нь хөөгөөд. Ёстой л цагдаа, иргэн хоёрын хооронд үл ойлголцол үүсэж чоно туулайдна гэгч нь болж байгаа аж. Угтаа бол хэсэг газар зааж өгөөд тэнд нь ногоог нь худалдаалуулдаг байж болохоор. Энэ бол төр засгийнхны л ажил. Ийм байхад дотоодын үйлдвэрлэл яаж хөгжих вэ дээ. ХЯТАД ногоо идэхээ больж Монголын хөрсөнд ургуулж тарьсан ногоогоо идмээр байна.
Тэд халамж нэхэж хэвтээгүй. Тарьсан ногооныхоо үр шимийг хүртэх гэж л байна. Бизнес эрхлэгч, хөдөлмөрчин иргэдээ ингэтэл нь битгий зовоол доо дүүргийн удирдлагуудаа. Худалдаалах цэгийг нь заагаад өгчих л дөө. Та бүхэнд энэ зохицуулалтыг хийх тухайд мэдэгдсэн. Хөөх тусам машины араар, энд тэндэхийн булан тохойд нуугдаж зарах гэж эрүүл ахуйн шаардлага хангахгүй орчинд худалдаалж байна. Тэд нуугдаж зарах гэм хийгээгүй
Ер нь бол нийлүүлэлтийг нэмэхгүйгээр үнийн өсөлтийг зогсоох арга байхгүй. Нийлүүлэлтээ хийе гэтэл төрийн байгууллагууд нь хийлгэхгүй. Тэгсэн мөртлөө үнэ зохицуул нэмэгдээд байна гэж шаардах. Эрүүл ахуйн орчныг нь бүрдүүлээд худалдааг аль болох дэмжиж байж үнийг зах зээлийн зарчмаар нь явуулна.
