Монголын Үндэсний олон нийтийн радио телевизийн ММ агентлагийн нэвтрүүлэгч, МУУГЗ Шагдаржавын Бямбацогтыг өнөөдөр Дуурь бүжгийн эрдэмийн театраас эцсийн замд нь үдлээ.
Тэрбээр Хэнтий аймгийн Бор-Өндөр суманд төрж өсөн, арван жилээ дүүргэжээ. Түүнээс хойш 1987 онд МҮОНРТ-ийг ‘Радио телевизийн улсын хороо’ нэртэй байхад анх ажлын гараагаа эхлүүлж байсан байна. Туслах найруулагчийн туслахаас эхлээд туслах найруулагч, дагалдан нэвтрүүлэгч болж байж. Харин нэвтрүүлэгч гэх нэр хүндтэй үнэмлэхийг 1993 онд авсан тухай дурсан ярьсан байдаг. Тэртээ 1992-онд үндэсний олон нийтийн телевизээр гарч байсан Халтар царайт киноны Мигель Ангелт дуу оруулж байсан билээ. Түүний гэр бүл, найз нөхөд, хамтран ажиллагсдад гүн эмгэнэл илэрхийлье.
