“Токио-2020” зуны XXXII олимпийн наадам Япон улсын нийслэл Токиогийн Үндэсний шинэ цэнгэлдэх хүрээлэнд өчигдөр/2021.07.23/ 19.00 цагт албан ёсоор нээлтээ хийсэн. Олимпын наадмын нээлтийн үеэр Монгол Улсын төрийн далбаа камерын дуранд тод харагдсан нь олны анхаарлыг татсан. Тэгвэл төрийн далбааг “Шар айраг” хамтлагийн дуучин Г.Ганхүү барьж зогсжээ.
Тэрээр энэ тухайгаа өөрийн албан ёсны цахим хуудаснаа: “За өглөө босоод ирсэн чинь Стадионоос хөөгдсөн гэх хэрэгт унасан байна. Би ямар ч спортын арга хэмжээнд явахдаа төрийн далбаагаа авч явдаг уламжлалтай бүх улсын алтан балиашгууд тэгдэг байх. Хөл бөмбөг үзэхээр Английг зорихдоо ч Монгол төрийн далбаагаа дэлгэдэг, хүмүүс маш ихээр сонирхдог, хаанаас ирсэн зургаа хамт авахуулъя гэх мэт. Өчигдөр яг л тийм зүйл болсон хэн ч бид нарыг ирж хөөж туугаагүй хэн ч тэнд орилж хашхираагүй хэн ч стадионоос хөөгдөөгүй. Харин ч бидэнтэй хүмүүс ирж зураг хөргөө авхуулж сайхан танилцацгаасан. Олимпын үеэр ийм л байдаг .
Ийм илт худал мэдээлэл түгээгээд байгаа сайтуудыг ойлгохгүй байна. Та бүхнийгээ эвгүй байдалд оруулсан бол гүнээ хүлцэл өчье, Төрийн далбаагаа эвхээд чемодандаа хийчихсэн ахиж гаргахгүй. Уржигдар ногоон паспортын хэрэгт, өчигдөр Стадионоос хөөгдсөн хэрэгт өнөөдөр яах юм бол” хэмээн бичжээ.
Олимпод оролцох гэж ирээд xap ажил хийхээр зугтсан Угандагийн тамирчинг төрхөмд нь буцаажээ
Бид өмнө нь Токиогийн Олимпын наадамд оролцохоор ирснийхээ дараа Олимпын тосгоноос зугтсан 20 настай Уганда улсын хүндийн өргөлтийн тамирчин Жулиус Секитолекогийн талаар мэдээлж байсан.
Эрэл хайгуул болсны эцэст Японы цагдаа нар тамирчныг эсэн мэнд олж, эх оронд нь буцаасан байна.
Хэрэгтэй холбогдуулан Уганда улсын Гадаад Хэргийн сайд хүндийн өргөлтийн тамирчин Олимпын багийн ёс зүйн дүрмийг зөрчсөн, гэсэн ч одоо түүнд сэтгэлзүйн дэмжлэг хэрэгтэй хэмээн тайлбар хийв.
Олимпын тосгонд байрлаж байхдаа хугацаандаа алга болсон Секитолеко “Угандад амьдралын нөхцөл бололцоо хэцүү байдаг тул Уганда руугаа буцаж очихыг хүсэхгүй, тэнд ядуу зүдүү амьдрал хүлээж байгаа, миний эд зүйлсийг эхнэрт минь дамжуулж өгөөрэй, би Япон улсад үлдэж ажил хийнэ” гэсэн зурвас үлдээгээд Олимпын тосгоныг орхин явсан байсан.
К.о.р.он.а.в.ирусийн шинжилгээ авахаар байрлаж буй өрөөнд нь очиход ийнхүү зурвас үлдээгээд явсан байсан юм. Хожим нь тамирчин хурдны галт тэрэгний тийз худалдаж аваад Японы Миэ муж руу явсан нь тодорхой болсон.
Японы цагдаа нар тамирчныг Нагояагийн галт тэрэгний буудлын хяналтын камераар шүүн санаандгүй байдлаар олсон аж.
О.АНАР
