Урлагийнхан толгой дараалан шагнуулсан ч энэ хоёр маань энгэрээ цоолсонгүй юу даа, энэ удаад. Бас л аатай жүжиглэдэг хоёр л доо. Гэхдээ бусдаасаа царай зүс, бас бус зүйлээрээ хэмжүүлчих гээд байсан тал бий. Тэгвэл карентины цаг хугацааг үр бүтээлтэй ашиглаж төрөл арилжсан байна, цаад хоёр чинь. Жүжигчин Б.Одончимэг уруулныхаа дээд талыг сөхөж татуулсан байна. Харин Б.Навчаа яасан нь зурган дээр ил тод байна.
Урлагийнхан хийцгүйрсэн хоёр дахь жилд энэ мэтчилэн бүсгүйчүүд нь өөрөө өөртөө капитал засвар хийж эрчүүд нь бас яаж дутах вэ жижиг сажиг зүйлээр оролдож байгаа талдаа. Нэг үе дуучид, улс төрчид толгой дараалан ботоксдуулж инээхэд нүүр нь хөдлөхгүй болчихоод байсан тал бий. Одоо жүжигчдийн тэр мөчлөг ирсэн бололтой.
Айдас хүйдэст автсан Засгийн газар ХӨЛ ХОРИНО гэдгээ хэлж чадахгүй жүжиж эхлэв
Манай Засгийн газар олон мэхтэй. Гэхдээ зарим мэхээ төгс сайн сураагүй.
“Хөл хорио” гэдэг үгийг сонссон хүний чих сортос хийж, харсан хүн айж түгшихээр болжээ. Анхандаа ч яахав Засгийн газрын шийдвэрийг үг сэггүй дагаж, чимээгүйхэн хөлөө хориулж байлаа. Гэвч энэ олон удаагийн хөл хорионы үр дүнг ер үзсэнгүй. Бизнес эрхлэгчид дампуурч, олон, олон иргэн зулын гол боллоо. Тиймдээ ч иргэд kopoнaвиpycтaй дасан зохицоод амьдрах хүсэлтэй болсон. Одоо бол хөл хоригдохоос бүгд айж байгаа. Үүнийг Засгийн газрын “нүд” анзаарсан бололтой. Иргэдийн бухимдлыг хүргэж, чичүүлэхгүйн тулд хөл хорино гэсэн мессежүүдээ өөр субьектүүдээр нийгэмд түгээлгэж байна.
Өнөө өглөө Монгол HD телевизийн пэйж хуудсаар “7 сарын 1-нээс эхлээд 60 хоногийн турш хатуу хөл хорио тогтоохыг дэмжиж байна уу” гэх тулгасан санал асуулга явууллаа. Мөн АСА станцын ярилцлагад орж буй зочдоор хөл хорихгүй бол болохгүй нь гэх агуулгаар яриулж байна. Гурав хоногийн өмнө УОК-ын Эрдэмтдийн зөвлөлийн нарийн бичгийн дарга О.Батбаяраар, өнөөдөр Эрдэмтдийн зөвлөлийн гишүүн Доктор Т.Бэгзсүрэнгээр хөл хорихгүй бол гэх агуулгаар яриулж, иргэдийн айдсын мэдрэмжийг нь “хооллож” байна.
Засгийн газар нь нийтийн сэтгэл зүйг шалгаж, тандахын тулд хэн нэгнийг өгөөш болгодог сурталтай байх гэж дээ. Иргэдийнхээ амьдралыг бодсон юм шиг дүр үзүүлэхээ одоо зогсоо. Хөл хорио тогтоохоор бол жүжиг тавиад байлгүй, өөрсдөө гарж ирээд хэл. Хөшигний цаанаас яриа чинь сонсогдоод байна.
эх сурвалж: eguur.mn
