АНУ-ын Засгийн газар 55 сая тун вакцин хандивлах орнуудыг зарлажээ. Тус вакцины 75% нь Ковакс хөтөлбөрийн шугамаар, харин 25% орчим хувийг АНУ хандивлах аж.
Гэвч эл жагсаалтад Монгол улс багтаагүй байна. Тиймээс АНУ-ын хандивын вакцин Коваксаар дамжиж, Монголд ирэх магадлалтай хэмээн эх сурвалжууд хэллээ.
Орхон аймагт халдварлах чадвар ДӨРӨВ дахин өндөр мутацлагдсан kopoнaвиpyc илэрлээ
Орхон аймагт мутацлагдсан kopoнaвиpyc илэрсэн байна. Халдварлах чадвар ДӨРӨВ дахин өндөр гэсэн мэдээллийг бидэнд Аймгийн онцгой комиссоос мэдээллээд байна.
Орхон аймгийн онцгой комисс мэдээлэл хийлээ. Өнгөрсөн 24 цагт 23 хүүхэд, 51 том хүн коронавирусний халдвар авсан байна. Одоогоор 1837 хүн халдварлаж, нийт хүн амын 1,7 хувь нь халдварт өртсөн. Тус аймагт 3 хүн нас барсны 2 нь огт вакцин тариулаагүй, нэг нь файзер вакцины эхний тунг хийлгээд байжээ. Нийтдээ 233 хүн хэвтэн эмчлүүлж байгаагаас 3 хүний бие нэн хүнд байгаа аж. Эхний тунгаа хийлгээд халдвар авсан 233 иргэн байгаа бол бүрэн тунд хамрагдсан 566 иргэн халдвар авчээ.
Орхон аймгийн Нэгдсэн эмнэлгийн эмч н.Уранчимэг:
Энэтхэг улсад бүртгэгдсэн “Дельта” виpyc манайд орж ирсэн байж болзошгүй байна. Энэ төрлийн мутацийн онцлог нь усархаг нус гоожих байдал юм. Усархаг нус гоожиж байна гэдэг шинж тэмдгийг халдвар авсан ихэнх хүмүүс хэлээд байна. Өмнө нь амт үнэр алдагдах, хуурай ханиалгах шинж тэмдэг илэрч байсан бол одоо энэ шинж тэмдэг харьцангуй бага болж, усархаг нус гоожих болсон. Виpyc мутацид орохын хэрээр шинж тэмдэг нь өөрчлөгдөөд явдаг. Тэгэхээр ЭМЯ-наас энэ талаар нэгдсэн мэдээлэл өгөх байх.
Халдварлалтын түвшин өндөр байгааг мэргэжлийн хүний хувьд мэдэрч байна. Ажлын байр, уулзсан хүмүүс нь тэр чигээрээ халдвар аваад байна. Халдварлах чадамж өмнөхөөсөө 4 дахин өндөр байна. Вакцины бүрэн тунд хамрагдаад халдвар авч байгаа иргэн олон байна. Энэ бүхнээс харахад Дельта мутаци Орхон аймагт орж ирсэн байх магадлал өндөр болохыг мэргэжлийн хүн хараад л мэднэ. Яах ч аргагүй мутаци явж байна. Иймд олон улсын эрдэмтэд маскаа 2 цаг тутамд солих, хүнтэй уулзсан бол гараад маскаа солих зөвлөмж өгч байна.
Хэдийгээр бид 1800 хүнийг эмчлээд явж байгаа ч энэ нь Орхон аймагт өвдсөн иргэдийн 30 хувь нь юм. Өөрөөр хэлбэл 20 гаруй мянган хүн шинж тэмдэггүй өвдөөд явж байхыг үгүйсгэхгүй.
Эх сурвалж: Орхон АОК
Айдас хүйдэст автсан Засгийн газар ХӨЛ ХОРИНО гэдгээ хэлж чадахгүй жүжиж эхлэв
Манай Засгийн газар олон мэхтэй. Гэхдээ зарим мэхээ төгс сайн сураагүй.
“Хөл хорио” гэдэг үгийг сонссон хүний чих сортос хийж, харсан хүн айж түгшихээр болжээ. Анхандаа ч яахав Засгийн газрын шийдвэрийг үг сэггүй дагаж, чимээгүйхэн хөлөө хориулж байлаа. Гэвч энэ олон удаагийн хөл хорионы үр дүнг ер үзсэнгүй. Бизнес эрхлэгчид дампуурч, олон, олон иргэн зулын гол боллоо. Тиймдээ ч иргэд kopoнaвиpycтaй дасан зохицоод амьдрах хүсэлтэй болсон. Одоо бол хөл хоригдохоос бүгд айж байгаа. Үүнийг Засгийн газрын “нүд” анзаарсан бололтой. Иргэдийн бухимдлыг хүргэж, чичүүлэхгүйн тулд хөл хорино гэсэн мессежүүдээ өөр субьектүүдээр нийгэмд түгээлгэж байна.
Өнөө өглөө Монгол HD телевизийн пэйж хуудсаар “7 сарын 1-нээс эхлээд 60 хоногийн турш хатуу хөл хорио тогтоохыг дэмжиж байна уу” гэх тулгасан санал асуулга явууллаа. Мөн АСА станцын ярилцлагад орж буй зочдоор хөл хорихгүй бол болохгүй нь гэх агуулгаар яриулж байна. Гурав хоногийн өмнө УОК-ын Эрдэмтдийн зөвлөлийн нарийн бичгийн дарга О.Батбаяраар, өнөөдөр Эрдэмтдийн зөвлөлийн гишүүн Доктор Т.Бэгзсүрэнгээр хөл хорихгүй бол гэх агуулгаар яриулж, иргэдийн айдсын мэдрэмжийг нь “хооллож” байна.
Засгийн газар нь нийтийн сэтгэл зүйг шалгаж, тандахын тулд хэн нэгнийг өгөөш болгодог сурталтай байх гэж дээ. Иргэдийнхээ амьдралыг бодсон юм шиг дүр үзүүлэхээ одоо зогсоо. Хөл хорио тогтоохоор бол жүжиг тавиад байлгүй, өөрсдөө гарж ирээд хэл. Хөшигний цаанаас яриа чинь сонсогдоод байна.
эх сурвалж: eguur.mn
Нар буцаж, KOВИД-ГҮЙ ЗУН дууслаа
Kopoнaвиpycийн цар тахалтай холбоотойгоор Монгол Улс өнгөрсөн хугацаанд дөрвөн удаагийн хатуу хөл хорио тогтоосон.
Анхны хөл хорио маш үр дүнтэй болсон бол хоёр, гурав дахь удаагийн хөл хорионы хугацаа богино байсан нь үр дүнгүй болгож, улмаар дархлаажуулалтын үр дүнг сааруулсан гэдгийг мэргэжилтнүүд шүүмжилсэн.
Засгийн газрын гаргасан алдаатай шийдвэрийн төлөөсөнд ямар их хохирол амсаж байгааг бид харж байна.
Өнгөрсөн дөрвөн удаагийн хөл хорио ба kopoнaвиpycтэй холбоотой шийдвэрүүдийг эргэн сануулъя.
Өнөөдрийн байдлаар Монгол Улсын нөхцөл байдал маш хүнд болоод байна. Нийт халдварын тохиолдол 100,000-д дөхөж, БНХАУ-ын үзүүлэлтээс давав. Нас баралт 500 дөхөж, эмчлэгдэж 30,000 гаруй хүнээс 226 нь маш хүнд байгааг ЭМЯ мэдээлсэн. Өдөрт халдварын тохиолдол 2,000 давж батлагдаж байгаа ба орон нутагт халдвар улам эрчимжсээр байна.
Өчигдрийн байдлаар л гэхэд маш хүнд хүний тоо 226 болж, эрүүл мэндийн ажилтнуудын хүний нөөц дутагдалд орж, эмнэлгүүд дүүрч, хүнд хүмүүсээ ч хэвтүүлж чадахгүйд хүрээд байна. Хүмүүс эмнэлэгт хэвтэх хоногоо хүлээж чадалгүй гэртээ н.а.с б.а.р.ж, дөнгөж төрсөн нярай эхээсээ хагацаж, олон хүүхэд өнчирсөөр.
Зөв цагт зөв шийдвэр гаргаж, сэргийлэх боломж байсан гэдгийг дээрх зөвлөмжүүд харуулж байгаа. Тиймээс иргэд хариуцлагагүй байна гэж хэлэх эрх энэ Засгийн газарт байхгүй юм.
Өнөөдөр зургаадугаар сарын 22-н. Нар буцаж, ” kopoнaвиpycгүй зун” дууслаа.
Эх сурвалж: ikon.mn
