Сүүлийн саруудад зах, бөөний төвүүдэд худалдаалагдаж буй махны үнэ өссөөр байна. Тухайлбал, 2021 оны гуравдугаар сарын сүүл гэхэд 1 кг хонины ястай мах 11000 төгрөг, цул нь 12000 төгрөг, харин үхрийн цул мах 15000 төгрөг, ястай нь 13500 байсан бол өнөөдөр (2021.06.21)-ийн байдлаар “Бөмбөгөр” худалдааны төвийн махны тасагт 1 кг хонины ястай болон цул мах 13500 төгрөг, үхрийн цул мах 16800 төгрөг, ястай нь 14500 төгрөгөөр тус тус худалдаалагдаж байна.
“Бөмбөгөр” худалдааны төвийн махны тасгийн худалдагчид хэлэхдээ “Махны борлуулалт их муу байна. Хүмүүс мах ихээр нь авдаггүй. 200-500 граммаар хүртэл авдаг. Мөн манай улсад байгаа махны чиглэлийн хятад үйлдвэрүүд мах их хэмжээгээр авч, цааш гаргаад байгаа учир бидэнд сайн чанарын мах олох боломж багасч байна. Цаашдаа ер нь махны үнэ одоо байгаагаасаа буухгүй дээ” гэв.
Б.Содномдаржаагийн ээж Б.ЖАВЗМАА: Хүүг минь хамгаалалтад аваагүй, өөрийгөө л хамгаалж байна
Төр нийгмийн нэрт зүтгэлтэн С.Зориг агсны а.м.и.й.г х.ө.н.ө.ө.с.ө.н хэрэгт буруутгагдаж, гурван шатны шүүхээс 20-25 жилийн xopиx я.л сонссон Б.Содномдаржаа, Т.Чимгээ нар батлан даалтад гараад нэг сар хагасын хугацаа өнгөрлөө. Шинэ нөхцөл байдал үүссэний улмаас хэргийг нэмэлт мөрдөн байцаалтад буцааж, тэднийг батлан даалтад гаргасан юм. Ингэснээр гурван шатны шүүхийн шийдвэр х.ү.ч.и.н.г.ү.й болж, Т.Чимгээ, Б.Содномдаржаа нарт холбогдох хэргийг дахин шалгана.
Б.Содномдаржаагийн ээж Б.Жавзмаатай холбогдож, зарим зүйлийг тодрууллаа.
-Таны бие давгүй юу?
-Миний бие тун давгүй байна.
-Хүүгийн тань биеийн байдал ямар байгаа вэ. Эмчилгээ хийлгэсэн үү?
-Яах вэ, эмчилгээ хийлгээд л байж байна. Ямар олиг байв гэж дээ, хөөрхий хүү минь хэцүүхэн л байлаа. kopoнaвиpycийн халдварын улмаас эмнэлэг ч хүлээж авахгүй байгаа. Гэрээр л эмчилгээ хийж байна. Олон жил хорих ангид хоригдсон болохоор өвдөөгүй эрхтэн гэж алга. Сэтгэл санаа нь тогтворжиж байгаа.
-Хүүгийн тань аюулгүй байдлыг хэр хангаж байгаа вэ. Төрөөс хамгаалалт гэж өгсөн гэж сонссон. Үнэн үү?
-Энэ бол ташаа мэдээлэл гэдгийг хэлмээр байна. Аюулгүй байдлаа сайн хангах хэрэгтэй гэсэн яриа гарч байсан ч хамгаалалт гэж төрөөс өгөөгүй. Төр өгөх ёстой үгүйг ч сайн хэлж мэдэхгүй юм. Ямар ч гэсэн миний хүүг өдөр, шөнөгүй хамгаалж байгаа зүйл байхгүй. Өөрөө өөрийгөө л хамгаалж байгаа.
-Батлан даалтад гарснаас хойш хүү рүү тань дайрсан, халдсан тохиолдол бий юү?
-Тийм зүйл байхгүй. Хэн ч миний хүү рүү халдах билээ дээ. Гэм зэмгүй хүн рүү халдаж байдаг хүн байхгүй байлгүй дээ гэж бодож сууна.
Эх сурвалж: ergelt.mn
Д.Сумъяабазар: Хотын захиргааны шинэ байрыг kopoнaвиpycийн түр эмнэлэг болгоно
Хотын захиргааны шинэ байрыг kopoнaвиpycийн түр эмнэлэг болгохоор болжээ. Тодруулбал, Яармаг дахь Хотын захиргааны шинэ байранд халдвар авсан жирэмсэн эхчүүдийг хүлээн авах түр эмнэлэг болгож, яаралтай ор дэлгэхийг Нийслэлийн Засаг дарга бөгөөд Улаанбаатар хотын захирагч Д.Сумъяабазар Нийслэлийн Эрүүл мэндийн газарт үүрэг болгосон байна.
Нийслэлийн удирдах ажилтны шуурхай зөвлөгөөнөөр эмнэлгийн орны хүрэлцээний асуудлыг авч хэлэлцжээ. Хуралдаанд Улаанбаатар хотын төвийн бүсийн зургаан дүүргийн удирдлагууд биечлэн, бусад хэлтэс, албадын удирдлагууд цахимаар оролцсон байна.
Мөн УОК-ын дарга С.Амарсайхан өчигдөр (2021.06.20) нийслэлийн зургаан дүүрэгт нэмэлтээр 1500 ор дэлгэж, хүчилтөрөгчийн хамгамжийг 1000 баллоноор нэмэх талаар мэдээлсэн билээ.
А.Ариунзаяа сайдын хийсэн амжилтгүй ФОТОШОП …
Хөдөлмөр нийгмийн хамгааллын сайд Аюушийн Ариунзаяа өөрийн цахим хуудаснаа оруулсан зургаараа олны дургүйцлийг хүргэхийн сацуу иргэдийг хөгжөөгөөд амжлаа.
Учир нь чуулганы хуралдаанд авхуулсан зурагтаа нэр бүхий хүмүүсийн нүүрийг маск зүүсэн болгож нүүрэн дээр нь зурсан нь сошиал орчинд нүүрэн дээрээ маск зурж, маскаа зүүцгээе хэмээх давалгаа үүсээд байна.
Харин сайд маань уг үйлдэлдээ их л ичсэн бололтойдог тэр дор нь сошиалаас устгасан байх нь тэр ээ… Энэ үеээр сошиалд иргэдийн элдэв үгээр хэлүүлсэн сайд ийнхүү тайлбар бичжээ.
Маск зүүгээгүй хүний нүүрэнд маск зурж байхаар улс орондоо хэрэгтэй, дорвитой нэг ч гэсэн юм хийгээчээ Ариунзаяа сайдаа!!!!
