Иргэн С.Цэвээн нь зөрчигдсөн эрхийг нь сэргээж өгөхийг шаардаж, төрийн ордны гадаа суулт хийж байна. Тэрээр онгоцны ослоор амь насаа алдсан нөхрийнхөө асуудлаар Ерөнхий сайдад хандаж, 13 дах өдрөө суулт хийж буй нь энэ юм.
Тэрбээр “Миний хань 1990 онд Сүхбаатар аймгийн Эрдэнэцагаан суманд албан үүргээ гүйцэтгэж яваад АН-24 цэргийн онгоцны oслoop нас барсан. Тухайн үед энэ ослоор 30 хүн өөд болсон бөгөөд ар гэрт нь тэр үеийн ханшаар 702,000 мянган төгрөгийн дэмжлэгийг улсаас үзүүлж байсан юм. Гэвч дэмжлэг үзүүлснийг нь аваагүй байхад авсан гэсэн баримт архив шүүлгэхэд гарч ирсэн.
Тэр үед би нэг ч төгрөгийн дэмжлэг аваагүй юм. Иймд эмээ нь өнөөдөр гомдолтой сууна. Нэр төрөө cэpгээлгэмээp байна. Мөнгө аваагүй гэдгээ нотлох гэж өмгөөлөгч хүртэл аваад шүүх хурал хийлгэтэл надад нотлох баримт байхгүй болохоор мөнгө авсан гээд хаачихсан. Шүүх ингээд шийдчхээр надад одоо явах газар байхгүй шүү дээ…
Энэ бүх асуудалд Нэрээ цагаатгаж, хүүхдүүддээ нэр цагаан байхыг хүсэж байна. Миний гүтгүүлсэн асуудлыг шийдэж чадах нь Засгийн газар л байна. Асуудлаа шийдүүлэхээс нааш явахгүй гэж ярьж байлаа.
