ТЭСО корпорацийнхан өөрийн Youtube сувагтаа нэгэн видео нэмсэн нь санаанд оромгүй амжилт үзүүлж 477 сая хүн үзжээ. Энэ бол Монголд бүтээгдсэн видеоны хувьд урьд хожид байгаагүй амжилт.
Тодруулбал, зургаан жилийн өмнө тэдний цацсан “Аляска” зайрмагны сурталчилгаа өнгөрсөн нэгдүгээр сараас эхлэн эрчимтэй хандалт авч, өдөр өдрөөр үзэгчдийн тоо нь нэмэгдсээр байгаа юм. Харин энэхүү видео байршсан TesoCorp нэртэй Youtube сувгийг 612 мянган хүн дагаж, ТЭСО корпораци “Silver Play Button”-аа хүлээн авахад бэлэн болоод байгаа юм байна. Дагагч буюу subscriber-ийн тоо нь 100 мянгад хүрсэн youtuber (видео контент бүтээн Youtube платформд түгээгч) -т “Silver Play Button”-ийг гардуулдаг билээ.
Маркетингийн идэвхжүүлэлтийн хүрээнд бүтээгдсэн жижиг урсгал сурталчилгаа нь ингэж өндөр хандалт авч эхэлснийг тэд өнгөрсөн зургадугаар сард л олж мэджээ. Улмаар Youtube хуудсаа компанийнхаа данстай холбосноор энэ бүх үзүүлэлтэд тохирсон урамшууллын мөнгө орж эхэлсэн байна. ТЭСО корпорацийн фэйсбүүк дэх албан ёсны хуудсанд энэ сарын есөнд оруулсан постод бичсэнээр TesoCorp гэсэн YouTube дэх суваг компанидаа 60 000 ам.долларын ашиг өгөөд байна.
У.Хүрэлсүх Намын даргаа Ерөнхий сайд Л.Оюун-Эрдэнэд хүлээлгэж өгнө гэв үү?
Монгол Улсын зургаа дахь Ерөнхийлөгчөөр сонгогдон, энэ сарын 25-нд бүрэн эрхээ баталгаажуулан тангараг өргөх У.Хүрэлсүх багаа хэрхэн бүрдүүлэх талаарх таамгууд гарч эхлээд байна.
Юун түрүүнд тэрээр Ерөнхийлөгчийн Тамгын газрын даргаараа найз, УИХ-ын гишүүн асан Я.Содбаатарыг томилно гэх яриа гарчээ.
Харин ҮАБЗ-ийн Нарийн бичгийн даргаар УИХ-ын гишүүн асан Ж.Энхбаярыг томилох бол Хэвлэл мэдээллийн албаны даргаар “Засах цаг” нэвтрүүлгийн хөтлөгч Ө.Золбаярыг томилно гэх таамаг байна.
У.Хүрэлсүх нэгэнт Ерөнхийлөгч болох нь тодорхой тул намын гишүүнчлэлээс түдгэлзэж, тэр дундаа намын даргын ажлаа өгөх ёстой. Энэ үүднээсээ МАН-ын дараагийн дарга хэн байх вэ гэх таамгууд ч ар араасаа хөвөрч байна.
МАН-ын дүрэм ёсоор Намын дарга нь Ерөнхий сайд болох ёстой. Энэ дүрмээ мөрдөж Ерөнхий сайд Л.Оюун-Эрдэнэд тэрээр намын даргын тамгаа хүлээлгэж өгөх ажээ. Л.Оюун-Эрдэнийг Намын дарга болгох тохироог Ерөнхийлөгчийн сонгуулийн өмнө хийсэн бөгөөд одоо зөвхөн Их хурлаараа батламжлах асуудал л үлджээ.
Тиймээс Ерөнхийлөгчийн тангараг өргөхөөс өмнө буюу энэ сарын 24-нд Их хурлаа хуралдуулж, намын даргын тамга, тэмдгээ хүлээлгэж өгөх юм байна.
