Улсын онцгой комисс өчигдөр хуралдаж, амралтын газруудын үйл ажиллагааг долоо хоногийн хугацаанд хааж, халдвар хамгааллын дэглэмийг сайжруулахаар болжээ. Тухайлбал зарим зөвшөөрсөн байгууллага, ААН-үүд хөл хорионд олон хүн цуглуулж, халдар хамгааллын дэглэмээ баримтлаагүй байна. Тиймээс Улсын онцгой комиссоос амралтын газрыг хааж, ариутгал халдваргүйжүүлэлтийг хийхээр болжээ. Эцсийн шийдвэрийг маргааш Засгийн газраар хэлэлцэнэ.
