УИХ дахь Хууль зүйн байнгын хороо хуралдаж байна. Хуралдаанаар Монгол Улс дахь хүний эрх, эрх чөлөөний байдлын талаарх 19, 20 дахь илтгэлийг хэлэлцэж байгаа юм. Байнгын хорооны гишүүд асуулт асууж, үг хэлж байна. Энэ үеэр УИХ-ын гишүүн Ж.Сүхбаатар:
“Их зузаан илтгэл бэлдлээ гэж зарим гишүүн уурлаж байх шиг байна. Бэлдэх хэрэгтэй, УИХ-ын гишүүд бүр уншиж танилцах хэрэгтэй. Ноцтой асуудлуудыг ярих хэрэгтэй.
Яг Итали шиг, төр нь иргэнээ хаясан явдал тохиолдсон. “Очиж үзнэ ээ” гээд хаяад утсаа салгаад алга болсон тохиолдол ч гарсан. Одоо витамины үнэ хэд дахин өсчихсөн байна. Арбидол гэж эм 6 мянга байснаа 30 мянган болчихсон байна гэж байна. Эмнэлгийн ачаалал таазандаа тулчихлаа. Одоо болохоо больсон шүү.
Эмчилж байгаа 5 мянган хүний 20 хувь нь маш хүнд байна. Энэ асуудлуудад тодорхой хариу өгөх ёстой. Өнөөдөр энэ л хамгийн чухал байна. Эм, тариа, витамин дээр даатгал үйлчлэх үү, үгүй юу. Найр наадам яах вэ. Тэр хүртэл хоёр долоо хоногийн хугацаанд хэчнээн мянган хүн өвдөх вэ. Энэ асуудлуудыг яримаар байна” гэлээ. Хууль зүйн байнгын хорооны хуралдаан үргэлжилж байна.
МУГЖ Д.Ганцэцэг ганц бие ээжийн амьдралдаа цэг тавьжээ
Будаг нь ханхалсан шинэхэн гавьяат Д.Ганцэцэгийг ард түмэн ‘Жинжиймаа’ киноны дүрэлгэр том алга нүдтэй охины дүрээр нь андаггүй билээ. Түүнээс хойш тайз дэлгэцийн урлагт бүхий л амьдралаа зориулж ирсэн тэрбээр төрсөн аав нь тэнгэр дэвшээд удаагүй байхад хайрт ханиа алдаж амьдралын хатуу нугачаанд сөхрөлгүй хоёр хүүгээ өсгөж хүмүүжүүлсэн хүчирхэг эмэгтэй.
Тэрбээр нэгэн хэвлэлд ярилцлага өгөхдөө ‘Би ханьтайгаа 11 жил хамт амьдрахдаа таван жилд нь л ханийхаа дэргэд байсан. Бусад бүх үед нь Улсын Драмын Эрдмийн Театр хэмээн улаан байшинд өнгөрүүлжээ. Би дэндүү сайхан хайрыг мэдэрсэн. Ханьтайгаа амьдарч байхдаа хоёр сайхан хүүтэй болсон. Ахиад хэн нэгэнд сэтгэлээ нээнэ гэдэг тийм ч амаргүй байх болов уу’ хэмээн ярьж байжээ.
Д.Ганцэцэг олон жилийн ганц бие ээжийн амьдралдаа цэг тавьж ханьтай болжээ. Түүний нөхөр үсчин бөгөөд олон нийтэд ододын үсчин Б.Хосоо гэдэг нэрээрээ илүү танигдсан юм. Д.Ганцэцэгийг гавьяат авах өдөр нь талбай дээр ирж харилцаагаа нийтэд ил болгожээ. Түүний шинэхэн нөхөр Б.Хосбаяр ‘Хос мастер’ салонаа 2019 онд нээж өнөөдрийг хүртэл амжилттай бизнесээ эрхэлж байгаа. Түүнийг мэргэжилдээ дээд зэргээр мэргэшсэн мастер үсчин гэдэгтэй хэн ч маргахгүй. Монголдоо төдийгүй Азийн шилдэг үсчингээр шалгарч байсан аж. Ханиа алдаад 10 гаруй жилийг ардаа орхисон Д.Ганцэцэг шинэ амьдрал зохиох нь зүйн хэрэг. Шинэхэн хосуудад аз жаргалыг хүсье ээ.
