Kopoнaвиpycийн халдварын тохиолдол өссөн хэвээр байна. Хэрэв таны шинжилгээний хариу эерэг гарсан, ойрын хавьтал болсон тохиолдолд харьяа дүүргийнхээ Тандалт, хариу арга хэмжээг зохицуулах штабуудын доорх утсаар холбогдохыг НЭМҮТ-өөс зөвлөлөө.
Мөн “Зургаадугаар сарын 10-н хүртэл kopoнaвиpycийн халдвар авсан хүмүүсийн 10% вакцины бүрэн тунгаа аваад 14 хоносон хүмүүс байна. Өөрөөр хэлбэл маш бага. Гэтэл насанд хүрэгчдийн 54% нь вакцины 2 тунтай, 14 хоносон хүмүүс байгаа юм. Энэ нь нийт хүн амдаа тооцвол 30%-ийг эзэлж байна. Тиймээс сүргийн дархлаа тогтох болоогүй тул халдвар хамгааллын дэглэмээ сайтар сахих хэрэгтэй” гэдгийг Ерөнхий сайдын хэвлэлийн төлөөлөгч Ч.Болортуяа өөрийн цахим хуудаснаа мэдээлжээ.
Kopoнaвиpуcийн ямар шинж илэрвэл Гэртээ эмчилж, ямар үед Эмнэлэгт хандах вэ
Сүүлийн хэдэн өдрүүдэд халдварын тоо буцаад 1000 давсан. Үүнтэй холбоотойгоор эмнэлгийн ачаалал ихсэж эмчилгээ мөн орны хүрэлцээ яригдах болсон. Тийм учраас халдвар авсан тохиолдолд хэрхэн арга хэмжээ авах талаар мэдээлэл хүргэж байна.
Хэрвээ танд доорх шинж тэмдгүүд илэрч байвал халдвар авсан байх магадлалтай. Үүнд:
Хуурай ханиалгах, Хоолой өвдөх, Амт, үнэрээ алдах, Толгой өвдөх, Хамар битүүрэх, Шингэн нус гойжих, 38 хэм хүртэл халуурч байвал халдварын хөнгөн хэлбэрээр өвчилсөн байх магадлалтай. Энэ тохиолдолд та айж сандралгүй гэртээ өөрийгөө 10 хоног тусгаарлаж, аль болох шингэн зүйлийг халуун, бүлээнээр ууж, илчлэг сайтай хоол хүнс идэж, маш сайн унтаж амрах хэрэгтэй. Хөнгөн дасгал, хөдөлгөөн хийгээрэй. Шаардлагатай тохиолдолд халуун бууруулах, өвдөлт намдаах зэрэг шинж тэмдгийн эмчилгээг хийнэ.
Мөн Д аминдэм 4000-5000 мг-аар өдөрт нэг удаа, С аминдэмийг 1000 мг-аар өдөрт нэг удаа 14 хоногийн турш ууна. Хэрвээ танд:
Амьсгаадах,
Амьсгалын тоо насанд хүрэгчдэд 1 минутад 20 буюу түүнээс дээш болж амьсгал давчдах,
Ханиалгалт эрс нэмэгдэх,
Амны салст, хэл, уруул, хурууны үзүүр хөхрөх,
Амт үнэрээ алдах,
Цээж хөндүүрлэж өвдөх,
38 хэмээс дээш халуурах,
Зарим тохиолдолд гүйлгэх, бөөлжих шинжүүд илэрч байвал эмнэлгийн тусламж яаралтай авах шаардлагатай бөгөөд 119 дугаараас тусламж, мэдээлэл авна уу. Хэдийгээр та вакцины бүрэн тунд хамрагдсан ч гэсэн энхрий бяцхан үрс, жирэмсэн эхчүүдийн төлөө халдвар хамгааллын дэглэмээ чандлан баримтлаарай.
