Түүнийг Эрдэнэбилэгийн Цацрал гэдэг. Тэрбээр Монголдоо төдийгүй дэлхийд уран нугаралтын гайхамшгийг таниулж яваа чадварлаг уран бүтээлч юм. Шүдэн дээрээ тогтох үзүүлбэрээр дэлхийн Гиннесийн амжилтыг эзэмшдэг тэрбээр одоо АНУ-ын ‘Нарны цирк’-ийн жүжигчнээр ажиллаж буй. “Монгол уран нугараачдын ур чадвар дэлхийд номер нэгт бичигддэг. Уран нугаралт гэдэг зүйлийг монгол нугараачид хөгжүүлж, дээд зэрэглэлд аваачсан. Тийм учраас дэлхийн циркийн урлагт нугаралт маш том байр суурийг эзэлдэг юм.
Тэрээр Турк улсын Истанбул хотод болсон Гиннесийн дээд амжилтыг бүртгэх нэвтрүүлэгт сонгогдож, урилгаар оролцсон байна. Түүний нэгэн ярилцлаганд ‘Ер нь телевизийн шоунд урилгаар орно гэдэг тийм амар биш л дээ. Тухайн үед миний аз таарч, надад “Та өөрийнхөө амжилтыг дахин эвдэж чадах уу?” гэсэн санал тавьсан. Би ч дуртайяа саналыг нь хүлээн авч, нэвтрүүлэгт оролцон өмнөх амжилтаа бараг хоёр дахин ахиулсан. Ингэснээр өөрийнхөө амжилтыг 2013 оны долдугаар сард 4 минут 17 секунд болгож шинэчилж тогтоосон’ хэмээсэн байна.
Харин түүний дахин дараагаар дахин Геннисийн шинэ дээд амжилт тогтоосон нь 4 минут 34 секунд хүргэжээ.
Циркийн урлаг байнгын бэлтгэл, хөдөлмөр, итгэлцэл шаарддаг урлаг. Шантрах үе гаралгүй яах вэ. Эх орноосоо хол хүний нутагт өвдөж, бэртэл авах болгондоо сэтгэлээр унана. Тайзан дээр гараад үзүүлбэрээ үзүүлж, үзэгчдийн алга ташилтыг сонсоод бүх зүйлээ мартаж, маш сайхан мэдрэмжийг авдаг нэгэн билээ.
