С.Зориг агсны амийг бүрэлгэсэн хэрэгт буруутгагдаж 20-25 жилийн xoриx я.л авсан Т.Чимгээ, Б.Содномдаржаа нар батлан даалтад гараад буй. Тэднийг эрvvдэн шүүж, ял хүлээлгэсэн гэх хэрэгт ТЕГ-ын дарга асан Б.Хурц, прокурор Г.Эрдэнэбат нарын есөн хүнийг буруутайд тооцож, гурван шатны шүүхээс я.л оноогоод байгаа. Шинэ нөхцөл байдал үүссэний улмаас Т.Чимгээ, Б.Содномдаржаа нарын хэргийг хуулийн дагуу задалж, дахин хянуулах дүгнэлтийг УЕП-оос Дээд шүүхэд хүргүүлсэн. Үүний үндсэн дээр прокурорын дүгнэлтийг шүүх хурлаар хэлэлцэж, Т.Чимгээ, Б.Содномдаржаа нарыг батлан даалтад гаргасан байдаг. Шopoнгooc суллагдаад байгаа Б.Содномдаржаагийн биеийн байдлын талаар түүний ээж Б.Жавзмаагаас тодрууллаа.
-Таны бие тавтай юу?
-Би яахав ээ, дажгүй.
-Хүүгийн тань бие, сэтгэл ямаршуухан байна даа?
-Өө ямар өөдтэй байх билээ дээ, хөөрхий. Өчнөөн олон жил нар, салхи үзэхгүй хэцүү газар xopигдсон хүн чинь биеийн байдал нь муудcaн байдаг юм байна. Сэтгэлзүйн хувьд ч ялгаагүй, хүнд, хүнд. Ер нь л хэцүү байдаг юм байна.
-Сэтгэлзүйн хувьд маш их айдаст автсан байдаг байх?
-Тэгэлгүй яахав дээ, Бүтэн зургаан жил xopигдcoн хүн чинь маш их aйдac, тvгшvvрт автсан байгаа хөөрхий. Машин тэрэг хажуугаар нь өнгөрөхөд хүртэл айж цочих жишээтэй. Ер нь л хэцүү болчихдог юм байна.
–Эмчилгээ хийлгэх шаардлагатай л байгаа байх. Суллaгдcaнaacaa хойш эмнэлэгт хэвтсэн үү?
-Мэдээж маш их эмчилгээ хийлгэх шаардлагатай байгаа. Гэхдээ кopoнa энэ тэр гээд эмнэлгээр сайн явж чадахгүй байна. Боломжоороо гэрээр эм тариа хийлгүүлж байна даа.
-Хүү тань суллагдахаасаа өмнө хорихын эмнэлэгт хэвтэж байсан. Тэнд эмчилгээ хэр хийдэг юм бол?
-Эхний хэд хоног эмчилгээтэй байсан гэдэг юм билээ. Одоо ч эмчилгээ авахааргүй шахуу л болчихоод байгаа юм биш үү. Ер нь xvнд л байна.
-Хүүг тань аюулгүй байдал талаас нь хамгаалалтад авсан зүйл байгаа юу?
-Тийм зүйл ёстой мэдэхгүй. Тэрийг би хэлж мэдэхгүй.
-Хүү тань хэдэн хүүхэдтэй билээ?
-Долоо
-Хүүхдүүд нь аавтайгаа уулзаад хэрхэн хүлээж авсан бэ?
-Ярих юм биш ээ. Хөөрхий амьтад, зарим нь аавыгаа гэдгийг ч мэдэхгүй. Арга ч үгүй шүү дээ, мэдээ суух цагаар нь аав нь эзгүй байсан юм чинь. Жаахнууд нь бүр таних ч үгүй. Ийм л хэцүүхэн байдалтай байгаа даа.
-Ямартаа ч хүү тань шopoнгooc гараад ирнэ гэдэг сайхан юм даа?
-Тиймээ. Миний хүү шopoнд орох нэг өдөр байхад гарах нэг өдөр ирдэг л юм байна. Эх хүний хувьд хүүгийнхээ эрүүл мэндийн асуудалд л их санаа зовж байна даа.
Эх сурвалж: ӨГЛӨӨНИЙ СОНИН
